Brahma Sutras with Shankara's commentary: the first four sutras

In the words of Pranav Ashar
How we renderChapter 4: Sutra 1.1.3: because it is the source of scripture
Because it is the source of scripture
जगत्कारणत्वप्रदर्शनेन सर्वज्ञं ब्रह्मेत्युपक्षिप्तं तदेव द्रढयन्नाह- शास्त्रयोनित्वात्
jagatkāraṇatvapradarśanena sarvajñaṃ brahmetyupakṣiptaṃ tadeva draḍhayannāha- śāstrayonitvāt
By showing that Brahman is the cause of the world, the last sutra has hinted that Brahman knows all. To make that firm, the author says: Because it is the source of scripture.
The breath of the great being
महत ऋग्वेदादेः शास्त्रस्यानेकविद्यास्थानोपबृंहितस्य प्रदीपवत्सर्वार्थावद्योतिनः सर्वज्ञकल्पस्य योनिः कारणं ब्रह्म । नहीदृशस्य शास्त्रस्यर्ग्वेदादिलक्षणस्य सर्वज्ञगुणान्वितस्य सर्वज्ञादन्यतः संभवो ऽस्ति । यद्यद्विस्तरार्थं शास्त्रं यस्मात्पुरुषविशेषात्संभवति, यथा व्याकरणादि पाणिन्यादेर्ज्ञेयैकदेशार्थमपि स ततो ऽप्यधिकतरविज्ञान इति प्रसिद्धं लोके । किमु वक्तव्यमनेकशाखाभेदभिन्नस्य देवतिर्यङ्मनुष्यवर्णाश्रमादिप्रविभागहेतोर् ऋग्वेदाद्याख्यस्य सर्वज्ञानाकरस्याप्रयत्नेनैव लीलान्ययेन पुरुषनिःश्वासवद्यस्मान्महतो भूताद्योनेः संभवः, ‘अस्य महतो भूतस्य निःश्वसितमेतद्यदृग्वेदः’ (बृह. २.४.१०) इत्यादिश्रुतेः । तस्य महतो भूतस्य निरतिशयं सर्वज्ञत्वं सर्वशक्तिमत्त्वं चेति । अथवा यथोक्त ऋग्वेदादिशास्त्रं योनिः कारणं प्रमाणमस्य ब्रह्मणो यथावत्स्वरूपाधिगमे । शास्त्रादेव प्रमाणाज्जगतो जन्मादिकारणं ब्रह्माधिगम्यत इत्यभिप्रायः । शास्त्रमुदाहृतं पूर्वसूत्रे- ‘यतो वा इमानि भूतानि जायन्ते’ इत्यादि । किमर्थं तर्हीदं सूत्रं, यावता पूर्वसूत्र एवैवञ्जातीयकं शास्त्रमुदाहरता शास्त्रयोनित्वं ब्रह्मणो दर्शितम् । उच्यते- तत्र पूर्वसूत्राक्षरेण स्पष्टं शास्त्रस्यानुपादानाज्जन्मादि केवलमनुमानमुपन्यस्तमित्याशङ्क्येत तामाशङ्कां निर्वर्तयितुमिदं सूत्रं प्रववृते शास्त्रयोनित्वादिति ॥ ३ ॥
mahata ṛgvedādeḥ śāstrasyānekavidyāsthānopabṛṃhitasya pradīpavatsarvārthāvadyotinaḥ sarvajñakalpasya yoniḥ kāraṇaṃ brahma / nahīdṛśasya śāstrasyargvedādilakṣaṇasya sarvajñaguṇānvitasya sarvajñādanyataḥ saṃbhavo 'sti / yadyadvistarārthaṃ śāstraṃ yasmātpuruṣaviśeṣātsaṃbhavati, yathā vyākaraṇādi pāṇinyāderjñeyaikadeśārthamapi sa tato 'pyadhikataravijñāna iti prasiddhaṃ loke / kimu vaktavyamanekaśākhābhedabhinnasya devatiryaṅmanuṣyavarṇāśramādipravibhāgahetor ṛgvedādyākhyasya sarvajñānākarasyāprayatnenaiva līlānyayena puruṣaniḥśvāsavadyasmānmahato bhūtādyoneḥ saṃbhavaḥ, 'asya mahato bhūtasya niḥśvasitametadyadṛgvedaḥ' (bṛha. 2.4.10) ityādiśruteḥ / tasya mahato bhūtasya niratiśayaṃ sarvajñatvaṃ sarvaśaktimattvaṃ ceti / athavā yathokta ṛgvedādiśāstraṃ yoniḥ kāraṇaṃ pramāṇamasya brahmaṇo yathāvatsvarūpādhigame / śāstrādeva pramāṇājjagato janmādikāraṇaṃ brahmādhigamyata ityabhiprāyaḥ / śāstramudāhṛtaṃ pūrvasūtre- 'yato vā imāni bhūtāni jāyante' ityādi / kimarthaṃ tarhīdaṃ sūtraṃ, yāvatā pūrvasūtra evaivañjātīyakaṃ śāstramudāharatā śāstrayonitvaṃ brahmaṇo darśitam / ucyate- tatra pūrvasūtrākṣareṇa spaṣṭaṃ śāstrasyānupādānājjanmādi kevalamanumānamupanyastamityāśaṅkyeta tāmāśaṅkāṃ nirvartayitumidaṃ sūtraṃ pravavṛte śāstrayonitvāditi // 3 //
Brahman is the source, the cause, of the great body of scripture, the Rig Veda and the rest, strengthened by many branches of learning, lighting up all things like a lamp, all-knowing as it were. A body of scripture with the quality of knowing all could come only from one who knows all. It is common knowledge that whoever produces a work on even one part of what is to be known, as Panini did grammar, knows more than his work. What then of the being from whom, without effort, as if in play, as a person breathes out, came the Rig Veda and the rest, the mine of all knowledge, divided into many branches, the ground of the classes and stages of gods, animals and humans? Scripture says: 'The Rig Veda and the rest are the breath of this great being' (Brihadaranyaka 2.4.10). That great being's knowledge and power have no limit. Or the sutra means: scripture, the Rig Veda and the rest as described, is the source, the means of knowing, by which Brahman is known as it is. Only from scripture as a means of knowing is Brahman known as the cause of the world's birth and the rest; the passage was quoted under the last sutra, 'That from which these beings are born'. Then why this sutra, since the last one, by quoting that passage, already showed that scripture is the source of knowledge of Brahman? Because the words of the last sutra did not plainly name scripture, one might suspect that birth and the rest were offered as an inference. This sutra was given to remove that suspicion.
Note //
'As a person breathes out' is the Brihadaranyaka's image (2.4.10), and 'as if in play' (lila) is Shankara's: the Veda is not composed but exhaled. The second reading is the one the site depends on: the whole is known through the teaching, not by inference (positions 1 and 6).
The renderings on this page are shared under CC BY-NC 4.0, in the words of Pranav Ashar.