Brahma Sutras with Shankara's commentary: the first four sutras

In the words of Pranav Ashar
How we renderChapter 3: Sutra 1.1.2: from which the birth and the rest of this
That from which the birth and the rest of this
ब्रह्मजिज्ञासितव्यमित्युक्तम् । किंलक्षणं पुनस्तद्ब्रह्मेत्यत आह भगवान्सूत्रकारः- जन्माद्यस्य यतः
brahmajijñāsitavyamityuktam / kiṃlakṣaṇaṃ punastadbrahmetyata āha bhagavānsūtrakāraḥ- janmādyasya yataḥ
It has been said that Brahman is to be inquired into. What, then, marks Brahman? To answer, the revered author of the sutras says: From which the birth and the rest of this.
Note //
The second sutra gives the 'mark' (lakshana) of Brahman by its relation to the world: Brahman is that from which this world arises, in which it stays, and into which it goes back. Later Advaita calls this the mark by accident (tatastha lakshana), distinct from the mark by nature, being-awareness-fullness.
What the sutra means
जन्मोत्पत्तिरादिरस्येति तद्गुणसंविज्ञानो बहुव्रीहिः । जन्मस्थितिभङ्गं समासार्थः । जन्मनश्चादित्वं श्रुतिनिर्देशापेक्षं वस्तुवृत्तापेक्षं च । श्रुतिनिर्देशस्तावत् ‘यतो वा इमानि भूतानि जायन्ते’ (तैत्ति.३.१) इत्यस्मिन्वाक्ये जन्मस्थितिप्रलयानां क्रमदर्शनात् । वस्तुवृत्तमपि, जन्मना लब्धसत्ताकस्य धर्मिणः स्थितिप्रलयसंभवात् । अस्येति प्रत्यक्षादिसंनिधापितस्य धर्मिण इदमा निर्देशः । षष्ठी जन्मादिधर्मसंबन्धार्था । यत इति कारणनिर्देशः अस्य जगतो नामरूपाभ्यां व्याकृतस्यानेककर्तृभोक्तृसंयुक्तस्य प्रतिनियतदेशकालनिमित्तक्रियाफलाश्रयस्य मनसाप्यचिन्त्यरचनारूपस्य जन्मस्थितिभङ्गं यतः सर्वज्ञात्सर्वशक्तेः कारणाद्भवति तद्ब्रह्मेति वाक्यशेषः । अन्येषामपि भावविकाराणां त्रिष्वेवान्तर्भाव इति जन्मस्थितिनाशानामिह ग्रहणम् । यास्कपरिपठितानां तु ‘जायते ऽस्ति’ इत्यादीनां ग्रहणे तेषां जगतः स्थितिकाले संभाव्यमानत्वान्मूलकारणादुत्पत्तिस्थितिनाशा जगतो न गृहीताः स्युरित्याशङ्क्येत, तन्मा शङ्कीति योत्पत्तिर्ब्रह्मणस्तत्रैव स्थितिः प्रलयश्च त एव गृह्यन्ते ॥
janmotpattirādirasyeti tadguṇasaṃvijñāno bahuvrīhiḥ / janmasthitibhaṅgaṃ samāsārthaḥ / janmanaścāditvaṃ śrutinirdeśāpekṣaṃ vastuvṛttāpekṣaṃ ca / śrutinirdeśastāvat 'yato vā imāni bhūtāni jāyante' (taitti.3.1) ityasminvākye janmasthitipralayānāṃ kramadarśanāt / vastuvṛttamapi, janmanā labdhasattākasya dharmiṇaḥ sthitipralayasaṃbhavāt / asyeti pratyakṣādisaṃnidhāpitasya dharmiṇa idamā nirdeśaḥ / ṣaṣṭhī janmādidharmasaṃbandhārthā / yata iti kāraṇanirdeśaḥ asya jagato nāmarūpābhyāṃ vyākṛtasyānekakartṛbhoktṛsaṃyuktasya pratiniyatadeśakālanimittakriyāphalāśrayasya manasāpyacintyaracanārūpasya janmasthitibhaṅgaṃ yataḥ sarvajñātsarvaśakteḥ kāraṇādbhavati tadbrahmeti vākyaśeṣaḥ / anyeṣāmapi bhāvavikārāṇāṃ triṣvevāntarbhāva iti janmasthitināśānāmiha grahaṇam / yāskaparipaṭhitānāṃ tu 'jāyate 'sti' ityādīnāṃ grahaṇe teṣāṃ jagataḥ sthitikāle saṃbhāvyamānatvānmūlakāraṇādutpattisthitināśā jagato na gṛhītāḥ syurityāśaṅkyeta, tanmā śaṅkīti yotpattirbrahmaṇastatraiva sthitiḥ pralayaśca ta eva gṛhyante //
'Birth and the rest' means birth, staying and dissolving. Birth comes first because scripture puts it first and because that is how things go. Scripture: 'That from which these beings are born, by which, born, they live, into which they go when they die' (Taittiriya 3.1) gives the order birth, staying, dissolving. And how things go: a thing can stay and dissolve only after it has come into being by birth. 'Of this' points to the world that perception and the other means of knowing put before us; the genitive connects it with birth and the rest. 'From which' names the cause. So the full sense is: this world, laid out in names and forms, with its many doers and enjoyers, the ground of the results of actions, each tied to its own place, time and cause, arranged in a way the mind cannot even conceive: that all-knowing, all-powerful cause from which its birth, staying and dissolving come, is Brahman. The other changes of things (growing, declining and so on) are included in these three, so only the three are named. Yaska's list of six changes ('it is born, it exists' and so on) is not meant, because those all happen while the world stands, and one might then think the sutra did not mean the world's birth, staying and dissolving from the first cause. To prevent that, it means only these: the world born from Brahman, staying in Brahman, dissolving into Brahman.
Note //
'Laid out in names and forms' (namarupa) is Shankara's standard phrase for the world as appearance. The site reads the sutra as its position 3: the order is the whole as the intelligence of everything, and the cycle of appearing and dissolving goes on.
Why the sutra points to scripture, not inference
न यथोक्तविशेषणस्य जगतो यथोक्तविशेषणमीश्वरं मुक्त्वान्यतः प्रधानादचेतनादणुभ्यो ऽभावात्संसारिणो वा उत्पत्त्यादि संभावयितुं शक्यम् । नच स्वभावतः, विशिष्टदेशकालनिमित्तानामिहोपादानात् । एतदेवानुमानं संसारिव्यतिरिक्तेश्वरास्तित्वादिसाधनं मन्यन्त ईश्वरकारणिनः । नन्विहापि तदेवोपन्यस्तं जन्मादिसूत्रे । न । वेदान्तवाक्यकुसुमग्रथनार्थत्वात्सूत्राणाम् । वेदान्तवाक्यानि हि सूत्रैरुदाहृत्य विचार्यन्ते । वाक्यार्थविचारणाध्यवसाननिर्वृत्ता ⟨हि ब्रह्मावगतिः, नानुमानादिप्रमाणान्तरनिर्वृत्ता⟩ । सत्सु तु वेदान्तवाक्येषु जगतो जन्मादिकारणवादिषु तदर्थग्रहणदार्ढायानुमानमपि वेदान्तवाक्याविरोधि प्रमाणं भवन्न निवार्यते, श्रुत्यैव च सहायत्वेन तर्कस्याभ्युपेतत्वात् । तथाहि- ‘श्रोतव्यो मन्तव्यः’ (बृह. २.४.५) इति श्रुतिः ‘पण्डितो मेधावी गन्धारानेवोपसंपद्येतैवमेवेहाचार्यवान्पुरुषो वेद’ (छान्दो.६.१४.२) इति च पुरुषबुद्धिसाहाय्यमात्मनो दर्शयति ।
na yathoktaviśeṣaṇasya jagato yathoktaviśeṣaṇamīśvaraṃ muktvānyataḥ pradhānādacetanādaṇubhyo 'bhāvātsaṃsāriṇo vā utpattyādi saṃbhāvayituṃ śakyam / naca svabhāvataḥ, viśiṣṭadeśakālanimittānāmihopādānāt / etadevānumānaṃ saṃsārivyatirikteśvarāstitvādisādhanaṃ manyanta īśvarakāraṇinaḥ / nanvihāpi tadevopanyastaṃ janmādisūtre / na / vedāntavākyakusumagrathanārthatvātsūtrāṇām / vedāntavākyāni hi sūtrairudāhṛtya vicāryante / vākyārthavicāraṇādhyavasānanirvṛttā ⟨hi brahmāvagatiḥ, nānumānādipramāṇāntaranirvṛttā⟩ / satsu tu vedāntavākyeṣu jagato janmādikāraṇavādiṣu tadarthagrahaṇadārḍhāyānumānamapi vedāntavākyāvirodhi pramāṇaṃ bhavanna nivāryate, śrutyaiva ca sahāyatvena tarkasyābhyupetatvāt / tathāhi- 'śrotavyo mantavyaḥ' (bṛha. 2.4.5) iti śrutiḥ 'paṇḍito medhāvī gandhārānevopasaṃpadyetaivamevehācāryavānpuruṣo veda' (chāndo.6.14.2) iti ca puruṣabuddhisāhāyyamātmano darśayati /
The birth and the rest of a world like this cannot come from anything but a of the kind described: not from an unaware first matter (pradhana), not from atoms, not from non-being, not from a being caught in the round of birth and death; nor from its own nature, without a cause, since we see that particular places, times and causes are always needed. Some who hold that a is the cause of the world think this very argument proves, by inference alone, a different from those caught in the round. But haven't you just put forward the same argument in this sutra? No. The sutras are threads (sutra means thread) for stringing the flowers of the Upanishads. What is really discussed here are the Upanishad passages the sutras point to; for Brahman is grasped by settling the meaning of those passages through inquiry, not by inference or any other means of knowing. Once the Upanishad passages have stated the cause of the world's birth and the rest, inference too, where it does not contradict them, is welcome as a means of knowing that makes their meaning firm; scripture itself accepts reasoning as a helper. 'The Self is to be heard, to be reflected on' (Brihadaranyaka 2.4.5), and 'as a man told the way, and able to judge, would reach Gandhara, so a person with a teacher knows' (Chandogya 6.14.2): these show that human understanding helps.
Note //
Shankara's rule of method: scripture gives the knowledge, reasoning steadies it. 'Heard, reflected on' is the first two steps of hearing-reflecting-abiding. The image of the sutras as a thread for the Upanishads' flowers is his own.
Knowledge follows the thing, not the person
न धर्मजिज्ञासायामिव श्रुत्यादय ⟨एव प्रमाणं ब्रह्मजिज्ञासायाम्, किं तु श्रुत्यादयो⟩ ‘नुभवादयश्च यथासंभवमिह प्रमाणं अनुभवावसानत्वाद्भूतवस्तुविषयत्वाच्च ब्रह्मज्ञानस्य । कर्तव्ये हि विषये नानुभवापेक्षास्तीति श्रुत्यादीनामेव प्रामाण्यं स्यात्पुरुषाधीनात्मलाभत्वाच्च कर्तव्यस्य । कर्तुमकर्तुमन्यथा वा कर्तुं शक्यं लौकिकं वैदिकं च कर्म, यथाश्वेन गच्छति, पद्भ्यामन्यथा वा, न वा गच्छतीति । तथा ‘अतिरात्रे षोडशिनं गृह्णाति, नातिरात्रे षोडशिनं गृह्णाति’, ‘उदिते जुहोति, अनुदिते जुहोति’ इति विधिप्रतिषेधाश्चात्रार्थवन्तः स्युः, विकल्पोत्सर्गापवादाश्च । नतु वस्त्वेवं नैवमस्ति नास्तीति वा विकल्प्यते । विकल्पनास्तु पुरुषबुद्ध्यपेक्षाः । न वस्तुयाथात्म्यज्ञानं पुरुषबुद्ध्यपेक्षम् । किं तर्हि वस्तुतन्त्रमेव तत् । नहि स्थाणावेकस्मिन्स्थाणुर्वा पुरुषो ऽन्यो वेति तत्त्वज्ञानं भवति । तत्र पुरुषो ऽन्यो वेति मिथ्याज्ञानम् । स्थाणुरेवेति तत्त्वज्ञानं,वस्तुतन्त्रत्वात् । एवं भूतवस्तुविषयाणां प्रामाण्यं वस्तुतन्त्रम् । तत्रैवं सति ब्रह्मज्ञानमपि वस्तुतन्त्रमेव, भूतवस्तु विषयत्वात् ।
na dharmajijñāsāyāmiva śrutyādaya ⟨eva pramāṇaṃ brahmajijñāsāyām, kiṃ tu śrutyādayo⟩ 'nubhavādayaśca yathāsaṃbhavamiha pramāṇaṃ anubhavāvasānatvādbhūtavastuviṣayatvācca brahmajñānasya / kartavye hi viṣaye nānubhavāpekṣāstīti śrutyādīnāmeva prāmāṇyaṃ syātpuruṣādhīnātmalābhatvācca kartavyasya / kartumakartumanyathā vā kartuṃ śakyaṃ laukikaṃ vaidikaṃ ca karma, yathāśvena gacchati, padbhyāmanyathā vā, na vā gacchatīti / tathā 'atirātre ṣoḍaśinaṃ gṛhṇāti, nātirātre ṣoḍaśinaṃ gṛhṇāti', 'udite juhoti, anudite juhoti' iti vidhipratiṣedhāścātrārthavantaḥ syuḥ, vikalpotsargāpavādāśca / natu vastvevaṃ naivamasti nāstīti vā vikalpyate / vikalpanāstu puruṣabuddhyapekṣāḥ / na vastuyāthātmyajñānaṃ puruṣabuddhyapekṣam / kiṃ tarhi vastutantrameva tat / nahi sthāṇāvekasminsthāṇurvā puruṣo 'nyo veti tattvajñānaṃ bhavati / tatra puruṣo 'nyo veti mithyājñānam / sthāṇureveti tattvajñānaṃ,vastutantratvāt / evaṃ bhūtavastuviṣayāṇāṃ prāmāṇyaṃ vastutantram / tatraivaṃ sati brahmajñānamapi vastutantrameva, bhūtavastu viṣayatvāt /
In the inquiry into Brahman, scripture is not the only means of knowing, as it is in the inquiry into duty. Scripture and the rest, and direct experience and the rest, are means of knowing here as each applies, because knowing Brahman , and because it is about something that already is. If what was to be known were something to be done, there would be no call for experience, and scripture and the rest would be the only means of knowing; for what is to be done depends on a person for coming about. Any action, ordinary or Vedic, can be done, not done, or done otherwise: one goes on horseback, on foot, some other way, or not at all. In scripture too: 'at the atiratra he takes the shodasin cup' and 'at the atiratra he does not take it'; 'he offers after sunrise' and 'he offers before sunrise'. There, commands and prohibitions, options, general rules and exceptions all make sense. But a thing cannot be optional: it is not 'thus or not thus', 'is or is not', by choice. Options depend on what people think. Knowing what a thing is depends not on what people think, but only on the thing. Of a post, 'it is a post, or a man, or something else' is not true knowledge; 'a man' or 'something else' is false knowledge; 'it is a post' is true knowledge, because it . So the validity of knowledge about what already exists ; and knowing Brahman, too, follows Brahman, since Brahman is something that already is.
Note //
A key text for the site's position 6: knowledge is not an act the person performs, it follows what is. The post in the dark, taken for a man, is Shankara's example of mistaking corrected by seeing; the site's rope and snake are its cousins.
Why the senses cannot reach it
ननु भूतवस्तुत्वे ब्रह्मणः प्रमाणान्तरविषयत्वमेवेति वेदान्तवाक्यविचारणानर्थिकैव प्राप्ता । न । इन्द्रियाविषयत्वेन संबन्धाग्रहणात् । स्वभावतो विषयविषयाणीन्द्रियाणि, न ब्रह्मविषयाणि । सति हीन्द्रियविषयत्वे ब्रह्मण इदं ब्रह्मणा संबद्धं कार्यमिति गृह्येत । कार्यमात्रमेव तु गृह्यमाणं किं ब्रह्मणा संबद्धं किमन्येन केनचिद्वा संबद्धमिति न शक्यं निश्चेतुम् । तस्माज्जन्मादिसूत्रं नानुमानोपन्यासार्थं, किं तर्हि वेदान्तवाक्यप्रदर्शनार्थम् । किं पुनस्तद्वेदान्तवाक्यं यत्सूत्रेणेह लिलक्षयिषितम् । ‘भृगुर्वै वारुणिः । वरुणं पितरमुपससार । अधीहि भगवो ब्रह्मेति’ । इत्युपक्रम्य- ‘यतो वा इमानि भूतानि जायन्ते । येन जातानि जीवन्ति । यत्प्रयन्त्यभिसंविशन्ति । तद्विजिज्ञासस्व । तद्ब्रह्मेति’ । (तैत्ति. ३.१) । तस्य च निर्णयवाक्यम्- ‘आनन्दाद्ध्येव खल्विमानि भूतानि जायन्ते । आनन्देन जातानि जीवन्ति । आनन्दं प्रयन्त्यभिसंविशन्ति’ । (तैत्ति. ३.६) अन्यान्याप्येवञ्जातीयकानि वाक्यानि नित्यशुद्धबुद्धमुक्तस्वभावसर्वज्ञस्वरूपकारणविषयाण्युदाहर्तव्यानि ॥ २ ॥
nanu bhūtavastutve brahmaṇaḥ pramāṇāntaraviṣayatvameveti vedāntavākyavicāraṇānarthikaiva prāptā / na / indriyāviṣayatvena saṃbandhāgrahaṇāt / svabhāvato viṣayaviṣayāṇīndriyāṇi, na brahmaviṣayāṇi / sati hīndriyaviṣayatve brahmaṇa idaṃ brahmaṇā saṃbaddhaṃ kāryamiti gṛhyeta / kāryamātrameva tu gṛhyamāṇaṃ kiṃ brahmaṇā saṃbaddhaṃ kimanyena kenacidvā saṃbaddhamiti na śakyaṃ niścetum / tasmājjanmādisūtraṃ nānumānopanyāsārthaṃ, kiṃ tarhi vedāntavākyapradarśanārtham / kiṃ punastadvedāntavākyaṃ yatsūtreṇeha lilakṣayiṣitam / 'bhṛgurvai vāruṇiḥ / varuṇaṃ pitaramupasasāra / adhīhi bhagavo brahmeti' / ityupakramya- 'yato vā imāni bhūtāni jāyante / yena jātāni jīvanti / yatprayantyabhisaṃviśanti / tadvijijñāsasva / tadbrahmeti' / (taitti. 3.1) / tasya ca nirṇayavākyam- 'ānandāddhyeva khalvimāni bhūtāni jāyante / ānandena jātāni jīvanti / ānandaṃ prayantyabhisaṃviśanti' / (taitti. 3.6) anyānyāpyevañjātīyakāni vākyāni nityaśuddhabuddhamuktasvabhāvasarvajñasvarūpakāraṇaviṣayāṇyudāhartavyāni // 2 //
But if Brahman is something that already is, it will be reached by the other means of knowing too, and inquiry into the Upanishads is pointless. No: since Brahman is not an object of the senses, its connection with the world cannot be grasped. By nature the senses have outward things as their objects, not Brahman. If Brahman were an object of the senses, one could see that this effect is connected with Brahman; but when only the effect is seen, one cannot settle whether it is connected with Brahman or with something else. So the sutra about birth and the rest does not put forward an inference; it points to an Upanishad passage. Which passage? 'Bhrigu, son of Varuna, went to his father Varuna and said, Sir, teach me Brahman', and so on, up to: 'That from which these beings are born, by which, born, they live, into which they go when they die: wish to know that. That is Brahman' (Taittiriya 3.1). The passage that settles its sense is: 'From fullness of joy these beings are born; by joy, born, they live; into joy they go when they die' (Taittiriya 3.6). Other passages of the same kind are to be quoted too, which speak of the cause as ever pure, awake and free by nature, all-knowing.
Touch an underlined word to see the Sanskrit behind it. The lighter lines are how the tradition read the verse; the rest is the verse.
The renderings on this page are shared under CC BY-NC 4.0, in the words of Pranav Ashar.