Atharvashiras Upanishad

In the words of Pranav Ashar
How we renderThe heart of the Atharvashiras
In brief
The gods ask Rudra: 'Who are you?' He answers: 'I alone was first, I am, and I shall be; there is nothing apart from me', and names himself as every pair of opposites, manifest and unmanifest, Brahman and not-Brahman. The gods then praise him as every god and every thing. The text explains Om as the one reality hidden in the heart, under its many names: Pranava, the all-pervading, the endless, 'that which carries across', the highest Brahman, the One. It ends with the vow that frees the bound creature (pashu) from its bonds.
- Who are you?
- Everything and its opposite
- The one in the heart
- Om that carries across
- Peace for those who see within
ॐ देवा ह वै स्वर्गं लोकमायंस्ते रुद्रमपृच्छन्को भवानिति । सोऽब्रवीदहमेकः प्रथममासं वर्तामि च भविष्यामि च नान्यः कश्चिन्मत्तो व्यतिरिक्त इति । सोऽन्तरादन्तरं प्राविशत् दिशश्चान्तरं प्राविशत् सोऽहं नित्यानित्योऽहं व्यक्ताव्यक्तो ब्रह्माब्रह्माहं प्राञ्चः प्रत्यञ्चोऽहं दक्षिणाञ्च उदञ्चोऽहं अधश्चोर्ध्वं चाहं दिशश्च प्रतिदिशश्चाहम् ।
oṃ devā ha vai svargaṃ lokamāyaṃste rudramapṛcchanko bhavāniti | so'bravīdahamekaḥ prathamamāsaṃ vartāmi ca bhaviṣyāmi ca nānyaḥ kaścinmatto vyatirikta iti | so'ntarādantaraṃ prāviśat diśaścāntaraṃ prāviśat so'haṃ nityānityo'haṃ vyaktāvyakto brahmābrahmāhaṃ prāñcaḥ pratyañco'haṃ dakṣiṇāñca udañco'haṃ adhaścordhvaṃ cāhaṃ diśaśca pratidiśaścāham |
Om. The gods went to the heaven-world and asked Rudra: 'Who are you?' He said: 'I alone was, in the beginning. I am, and I shall be. There is no one other than me, nothing set apart from me.' He went into what is inmost of the inmost, and into the inside of the directions. 'I am that: I am eternal and not eternal, manifest and unmanifest, . I am east and west, I am south and north, I am below and above, the directions and the spaces between them.'
Note //
The opening of section 1, which continues in 1.b. 'Brahman and not Brahman' (brahmābrahma) is the boldest pair: what speaks here is not one side of any pair but that in which both appear. 'He went into the inmost of the inmost' is read with the Advaitic sense of the text: the speaker is the Self within all. Editions: 'āsaṃ' ('I was', sanskritdocuments.org) over 'āsīd' (Adyar collection); 'bhaviṣyāmi' (Adyar) corrects 'bhaviśyāmi'; 'diśaś cāntaraṃ' and 'nityānityo 'haṃ vyaktāvyakto brahmābrahmāhaṃ' follow sanskritdocuments.org (the Adyar collection has 'diśo vyantaraṃ' and 'nityānityo vyaktāvyakto brahmāhaṃ brahmāhaṃ').
पुमानपुमान्स्त्रियश्चाहं गायत्र्यहं सावित्र्यहं त्रिष्टुब्जगत्यनुष्टुप्चाहं छन्दोऽहं गार्हपत्यो दक्षिणाग्निराहवनीयोऽहं सत्योऽहं गौरहं गौर्यहमृगहं यजुरहं सामाहमथर्वाङ्गिरसोऽहं ज्येष्ठोऽहं श्रेष्ठोऽहं वरिष्ठोऽहमापोऽहं तेजोऽहं गुह्योऽहमरण्योऽहमक्षरमहं क्षरमहं पुष्करमहं पवित्रमहमग्रं च मध्यं च बहिश्च पुरस्ताज्ज्योतिरित्यहमेव सर्वेभ्यो मामेव स सर्वः स मां यो मां वेद स सर्वान्देवान्वेद सर्वांश्च वेदान्साङ्गानपि ब्रह्म ब्राह्मणैश्च गां गोभिर्ब्राह्मणान्ब्राह्मण्येन हविर्हविषा आयुरायुषा सत्येन सत्यं धर्मेण धर्मं तर्पयामि स्वेन तेजसा । ततो ह वै ते देवा रुद्रमपृच्छन्ते देवा रुद्रमपश्यन् । ते देवा रुद्रमध्यायन्ततो देवा ऊर्ध्वबाहवो रुद्रं स्तुवन्ति ॥ १॥
pumānapumānstriyaścāhaṃ gāyatryahaṃ sāvitryahaṃ triṣṭubjagatyanuṣṭupcāhaṃ chando'haṃ gārhapatyo dakṣiṇāgnirāhavanīyo'haṃ satyo'haṃ gaurahaṃ gauryahamṛgahaṃ yajurahaṃ sāmāhamatharvāṅgiraso'haṃ jyeṣṭho'haṃ śreṣṭho'haṃ variṣṭho'hamāpo'haṃ tejo'haṃ guhyo'hamaraṇyo'hamakṣaramahaṃ kṣaramahaṃ puṣkaramahaṃ pavitramahamagraṃ ca madhyaṃ ca bahiśca purastājjyotirityahameva sarvebhyo māmeva sa sarvaḥ sa māṃ yo māṃ veda sa sarvāndevānveda sarvāṃśca vedānsāṅgānapi brahma brāhmaṇaiśca gāṃ gobhirbrāhmaṇānbrāhmaṇyena havirhaviṣā āyurāyuṣā satyena satyaṃ dharmeṇa dharmaṃ tarpayāmi svena tejasā | tato ha vai te devā rudramapṛcchante devā rudramapaśyan | te devā rudramadhyāyantato devā ūrdhvabāhavo rudraṃ stuvanti || 1||
'I am male and not male, and female. I am the Gayatri, the Savitri, the trishtubh, jagati and anushtubh; I am the metre. I am the householder's fire, the southern fire, the fire of offering. I am the true; I am the bull and the cow; I am the Rig, the Yajus, the Saman, the Atharva-angiras. I am the eldest, the best, the highest. I am the waters, I am fire. I am the hidden, the one in the forest; I am the imperishable and the perishable; I am the lotus, the purifier; the first, the middle and the outside, the light in front: I alone am all. Whoever knows me is all; he knows all the gods, and all the Vedas with their limbs. By my own radiance I satisfy Brahman with brahmins, cows with cows, brahmins with brahminhood, oblation with oblation, life with life, truth with truth, dharma with dharma.' Then the gods asked Rudra, and did not see Rudra. They meditated on Rudra; then, with arms raised, the gods praise Rudra.
Note //
The rest of section 1. Every pair, every metre, fire and Veda is named as 'I'. 'I alone am all; whoever knows me is all' renders a passage corrupt in both editions ('aham eva sarvebhyo mām eva sa sarvaḥ sa māṃ yo māṃ veda'); the sense is clear, the wording uncertain. The gods ask, but 'do not see' Rudra: what speaks as 'I' in everything cannot be seen as an object; so they turn to meditation and praise. Editions: 'brāhmaṇyena' (Adyar) over 'brāhmaṇena'; 'adhyāyan', 'meditated' (sanskritdocuments.org), over 'adhyāśaṃs' (Adyar). Pending review.
ॐ यो वै रुद्रः स भगवान्यश्च ब्रह्मा तस्मै वै नमो नमः ॥ १॥ यो वै रुद्रः स भगवान्यश्च विष्णुस्तस्मै वै नमो नमः ॥ २॥ यो वै रुद्रः स भगवान्यश्च स्कन्दस्तस्मै वै नमो नमः ॥ ३॥ यो वै रुद्रः स भगवान्यश्चेन्द्रस्तस्मै वै नमो नमः ॥ ४॥ यो वै रुद्रः स भगवान्यश्चाग्निस्तस्मै वै नमो नमः ॥ ५॥ यो वै रुद्रः स भगवान्यश्च वायुस्तस्मै वै नमो नमः ॥ ६॥ यो वै रुद्रः स भगवान्यश्च सूर्यस्तस्मै वै नमो नमः ॥ ७॥ यो वै रुद्रः स भगवान्यश्च सोमस्तस्मै वै नमो नमः ॥ ८॥ यो वै रुद्रः स भगवान्ये चाष्टौ ग्रहास्तस्मै वै नमो नमः ॥ ९॥ यो वै रुद्रः स भगवान्ये चाष्टौ प्रतिग्रहास्तस्मै वै नमो नमः ॥ १०॥ यो वै रुद्रः स भगवान्यच्च भूस्तस्मै वै नमो नमः ॥ ११॥ यो वै रुद्रः स भगवान्यच्च भुवस्तस्मै वै नमो नमः ॥ १२॥ यो वै रुद्रः स भगवान्यच्च स्वस्तस्मै वै नमो नमः ॥ १३॥ यो वै रुद्रः स भगवान्यच्च महस्तस्मै वै नमो नमः ॥ १४॥ यो वै रुद्रः स भगवान्या च पृथिवी तस्मै वै नमो नमः ॥ १५॥ यो वै रुद्रः स भगवान्यच्चान्तरिक्षं तस्मै वै नमो नमः ॥ १६॥ यो वै रुद्रः स भगवान्या च द्यौस्तस्मै वै नमो नमः ॥ १७॥ यो वै रुद्रः स भगवान्याश्चापस्तस्मै वै नमो नमः ॥ १८॥ यो वै रुद्रः स भगवान्यच्च तेजस्तस्मै वै नमो नमः ॥ १९॥ यो वै रुद्रः स भगवान्यश्च कालस्तस्मै वै नमो नमः ॥ २०॥ यो वै रुद्रः स भगवान्यश्च यमस्तस्मै वै नमो नमः ॥ २१॥ यो वै रुद्रः स भगवान्यश्च मृत्युस्तस्मै वै नमो नमः ॥ २२॥ यो वै रुद्रः स भगवान्यच्चामृतं तस्मै वै नमो नमः ॥ २३॥ यो वै रुद्रः स भगवान्यच्चाकाशं तस्मै वै नमो नमः ॥ २४॥ यो वै रुद्रः स भगवान्यच्च विश्वं तस्मै वै नमो नमः ॥ २५॥ यो वै रुद्रः स भगवान्यच्च स्थूलं तस्मै वै नमो नमः ॥ २६॥ यो वै रुद्रः स भगवान्यच्च सूक्ष्मं तस्मै वै नमो नमः ॥ २७॥ यो वै रुद्रः स भगवान्यच्च शुक्लं तस्मै वै नमो नमः ॥ २८॥ यो वै रुद्रः स भगवान्यच्च कृष्णं तस्मै वै नमो नमः ॥ २९॥ यो वै रुद्रः स भगवान्यच्च कृत्स्नं तस्मै वै नमो नमः ॥ ३०॥ यो वै रुद्रः स भगवान्यच्च सत्यं तस्मै वै नमो नमः ॥ ३१॥ यो वै रुद्रः स भगवान्यच्च सर्वं तस्मै वै नमो नमः ॥ ३२॥ ॥ २॥
oṃ yo vai rudraḥ sa bhagavānyaśca brahmā tasmai vai namo namaḥ || 1|| yo vai rudraḥ sa bhagavānyaśca viṣṇustasmai vai namo namaḥ || 2|| yo vai rudraḥ sa bhagavānyaśca skandastasmai vai namo namaḥ || 3|| yo vai rudraḥ sa bhagavānyaścendrastasmai vai namo namaḥ || 4|| yo vai rudraḥ sa bhagavānyaścāgnistasmai vai namo namaḥ || 5|| yo vai rudraḥ sa bhagavānyaśca vāyustasmai vai namo namaḥ || 6|| yo vai rudraḥ sa bhagavānyaśca sūryastasmai vai namo namaḥ || 7|| yo vai rudraḥ sa bhagavānyaśca somastasmai vai namo namaḥ || 8|| yo vai rudraḥ sa bhagavānye cāṣṭau grahāstasmai vai namo namaḥ || 9|| yo vai rudraḥ sa bhagavānye cāṣṭau pratigrahāstasmai vai namo namaḥ || 10|| yo vai rudraḥ sa bhagavānyacca bhūstasmai vai namo namaḥ || 11|| yo vai rudraḥ sa bhagavānyacca bhuvastasmai vai namo namaḥ || 12|| yo vai rudraḥ sa bhagavānyacca svastasmai vai namo namaḥ || 13|| yo vai rudraḥ sa bhagavānyacca mahastasmai vai namo namaḥ || 14|| yo vai rudraḥ sa bhagavānyā ca pṛthivī tasmai vai namo namaḥ || 15|| yo vai rudraḥ sa bhagavānyaccāntarikṣaṃ tasmai vai namo namaḥ || 16|| yo vai rudraḥ sa bhagavānyā ca dyaustasmai vai namo namaḥ || 17|| yo vai rudraḥ sa bhagavānyāścāpastasmai vai namo namaḥ || 18|| yo vai rudraḥ sa bhagavānyacca tejastasmai vai namo namaḥ || 19|| yo vai rudraḥ sa bhagavānyaśca kālastasmai vai namo namaḥ || 20|| yo vai rudraḥ sa bhagavānyaśca yamastasmai vai namo namaḥ || 21|| yo vai rudraḥ sa bhagavānyaśca mṛtyustasmai vai namo namaḥ || 22|| yo vai rudraḥ sa bhagavānyaccāmṛtaṃ tasmai vai namo namaḥ || 23|| yo vai rudraḥ sa bhagavānyaccākāśaṃ tasmai vai namo namaḥ || 24|| yo vai rudraḥ sa bhagavānyacca viśvaṃ tasmai vai namo namaḥ || 25|| yo vai rudraḥ sa bhagavānyacca sthūlaṃ tasmai vai namo namaḥ || 26|| yo vai rudraḥ sa bhagavānyacca sūkṣmaṃ tasmai vai namo namaḥ || 27|| yo vai rudraḥ sa bhagavānyacca śuklaṃ tasmai vai namo namaḥ || 28|| yo vai rudraḥ sa bhagavānyacca kṛṣṇaṃ tasmai vai namo namaḥ || 29|| yo vai rudraḥ sa bhagavānyacca kṛtsnaṃ tasmai vai namo namaḥ || 30|| yo vai rudraḥ sa bhagavānyacca satyaṃ tasmai vai namo namaḥ || 31|| yo vai rudraḥ sa bhagavānyacca sarvaṃ tasmai vai namo namaḥ || 32|| || 2||
Om. Rudra is the Lord, and he is Brahma: to him, homage, homage. Rudra is the Lord, and he is Vishnu: to him, homage, homage. He is Skanda; he is Indra; he is Agni; he is Vayu; he is the sun; he is Soma; he is the eight graspers and the eight things grasped: to him, homage, homage. He is earth, atmosphere, heaven and the great beyond, the sacred words bhuh, bhuvah, svah and mahah; he is the earth, the space between, the sky; he is the waters and the fire: to him, homage, homage. He is time, Yama, death, and the deathless; he is space; he is the universe: to him, homage, homage. He is the gross and the subtle, the white and the black, the whole, the true; he is all: to him, homage, homage.
Note //
Section 2: thirty-two lines of the same form, 'Rudra is the Lord, and he is ...: to him, homage, homage', each naming a god, a world or a pair. The rendering gathers them without dropping any name and keeps the refrain at the end of each group. 'The eight graspers and the eight things grasped' (graha, pratigraha; Brihadaranyaka 3.2 calls the things grasped atigraha): the senses and their objects. The list ends with 'all': the praise of every thing is the praise of one. The Adyar collection places 'space' (ākāśa) at 20, before 'time'; sanskritdocuments.org is followed. Editions: 'yac ca sthūlaṃ' and 'tasmai vai' (28) over the misprints of sanskritdocuments.org.
भूस्ते आदिर्मध्यं भुवस्ते स्वस्ते शीर्षं विश्वरूपोऽसि ब्रह्मैकस्त्वं द्विधा त्रिधा वृद्धिस्त्वं शान्तिस्त्वं पुष्टिस्त्वं हुतमहुतं दत्तमदत्तं सर्वमसर्वं विश्वमविश्वं कृतमकृतं परमपरं परायणं च त्वम् । अपाम सोमममृता अभूमागन्म ज्योतिरविदाम देवान् । किं नूनमस्मान्कृणवदरातिः किमु धूर्तिरमृत मर्त्यस्य । सोमसूर्यपुरस्तात्सूक्ष्मः पुरुषः । सर्वं जगद्धितं वा एतदक्षरं प्राजापत्यं सौम्यं सूक्ष्मं पुरुषं ग्राह्यमग्राह्येण भावं भावेन सौम्यं सौम्येन सूक्ष्मं सूक्ष्मेण वायव्यं वायव्येन ग्रसति स्वेन तेजसा तस्मादुपसंहर्त्रे महाग्रासाय वै नमो नमः ।
bhūste ādirmadhyaṃ bhuvaste svaste śīrṣaṃ viśvarūpo'si brahmaikastvaṃ dvidhā tridhā vṛddhistvaṃ śāntistvaṃ puṣṭistvaṃ hutamahutaṃ dattamadattaṃ sarvamasarvaṃ viśvamaviśvaṃ kṛtamakṛtaṃ paramaparaṃ parāyaṇaṃ ca tvam | apāma somamamṛtā abhūmāganma jyotiravidāma devān | kiṃ nūnamasmānkṛṇavadarātiḥ kimu dhūrtiramṛta martyasya | somasūryapurastātsūkṣmaḥ puruṣaḥ | sarvaṃ jagaddhitaṃ vā etadakṣaraṃ prājāpatyaṃ saumyaṃ sūkṣmaṃ puruṣaṃ grāhyamagrāhyeṇa bhāvaṃ bhāvena saumyaṃ saumyena sūkṣmaṃ sūkṣmeṇa vāyavyaṃ vāyavyena grasati svena tejasā tasmādupasaṃhartre mahāgrāsāya vai namo namaḥ |
Earth is your beginning, the atmosphere your middle, heaven your head. You are the form of all. You are Brahman, one, twofold, threefold; you are growth, peace and nourishment; the offered and the not offered, the given and the not given, all and not all, the universe and not the universe, the done and the not done, the higher and the lower; you are the final goal. 'We have drunk the soma, we have become immortal, we have come to the light, we have found the gods. What can an enemy do to us now? What can the malice of a mortal do, immortal one?' Before the moon and the sun is the subtle Person. This syllable, the good of the whole world, of Prajapati, gentle, subtle, the Person, swallows, by its own radiance, the graspable with the ungraspable, being with being, the gentle with the gentle, the subtle with the subtle, what is of wind with wind. So, to the one who draws all back in, the great swallower, homage, homage.
Note //
The opening of section 3. The verse 'We have drunk the soma' is Rig Veda 8.48.3. Every pair is named again as 'you', and then the syllable is praised as what swallows each thing into its own kind: the world returning into what it came from. Editions: 'vṛddhis tvaṃ' (sanskritdocuments.org, corrected from 'vṛddhis taṃ') over 'baddhas tvaṃ' (Adyar); 'kiṃ nūnam' and 'amṛta martyasya' as in the Rig Veda; 'svena tejasā tasmād upasaṃhartre' (sanskritdocuments.org), which the Adyar collection lacks. Pending review.
हृदिस्था देवताः सर्वा हृदि प्राणाः प्रतिष्ठिताः । हृदि त्वमसि यो नित्यं तिस्रो मात्राः परस्तु सः ॥ तस्योत्तरतः शिरो दक्षिणतः पादौ य उत्तरतः स ओङ्कारः य ओङ्कारः स प्रणवः यः प्रणवः स सर्वव्यापी यः सर्वव्यापी सोऽनन्तो योऽनन्तस्तत्तारं यत्तारं तच्छुक्लं यच्छुक्लं तत्सूक्ष्मं यत्सूक्ष्मं तद्वैद्युतं यद्वैद्युतं तत्परं ब्रह्म यत्परं ब्रह्म स एकः य एकः स रुद्रो यो रुद्रः स ईशानो य ईशानः स भगवान् महेश्वरः ॥
hṛdisthā devatāḥ sarvā hṛdi prāṇāḥ pratiṣṭhitāḥ | hṛdi tvamasi yo nityaṃ tisro mātrāḥ parastu saḥ || tasyottarataḥ śiro dakṣiṇataḥ pādau ya uttarataḥ sa oṅkāraḥ ya oṅkāraḥ sa praṇavaḥ yaḥ praṇavaḥ sa sarvavyāpī yaḥ sarvavyāpī so'nanto yo'nantastattāraṃ yattāraṃ tacchuklaṃ yacchuklaṃ tatsūkṣmaṃ yatsūkṣmaṃ tadvaidyutaṃ yadvaidyutaṃ tatparaṃ brahma yatparaṃ brahma sa ekaḥ ya ekaḥ sa rudro yo rudraḥ sa īśāno ya īśānaḥ sa bhagavān maheśvaraḥ ||
All the gods dwell in the heart. In the heart the breaths are established. You are in the heart, always: beyond the three measures of Om. His head is to the north, his feet to the south. What is to the north is Om. Om is the Pranava, the sound that bows all. The Pranava is the all-pervading. The all-pervading is the endless. The endless is . is the bright. The bright is the subtle. The subtle is the lightning-like. The lightning-like is the highest Brahman. The highest Brahman is the One. The One is Rudra. Rudra is the Lord. The Lord is the blessed Great Lord.
Note //
From section 3. The 'three measures' (mātrā) of Om are A, U and M; the Self is 'beyond' them, the silent fourth (compare the Mandukya). The chain of names is a single reality called by many names; section 4 explains each name in turn. 'His head to the north, his feet to the south' pictures Om as a person lying across the world, and the north, the upward direction, as Om itself; the image is obscure and its reading is pending review. Editions: 'prāṇāḥ' (sanskritdocuments.org) over 'prāṇe' (Adyar collection); the order 'tāraṃ ... śuklaṃ ... sūkṣmaṃ ... vaidyutaṃ' follows the Adyar collection, which matches the order of the explanations in section 4 (sanskritdocuments.org drops a link here).
अथ कस्मादुच्यत ओङ्कारो यस्मादुच्चार्यमाण एव प्राणानूर्ध्वमुत्क्रामयति तस्मादुच्यते ओङ्कारः । अथ कस्मादुच्यते प्रणवः यस्मादुच्चार्यमाण एव ऋग्यजुःसामाथर्वाङ्गिरसं ब्रह्म ब्राह्मणेभ्यः प्रणामयति नामयति च तस्मादुच्यते प्रणवः । अथ कस्मादुच्यते सर्वव्यापी यस्मादुच्चार्यमाण एव सर्वाँल्लोकान्व्याप्नोति स्नेहो यथा पललपिण्डमिव शान्तरूपमोतप्रोतमनुप्राप्तो व्यतिषक्तश्च तस्मादुच्यते सर्वव्यापी । अथ कस्मादुच्यतेऽनन्तो यस्मादुच्चार्यमाण एव तिर्यगूर्ध्वमधस्ताच्चास्यान्तो नोपलभ्यते तस्मादुच्यतेऽनन्तः ।
atha kasmāducyata oṅkāro yasmāduccāryamāṇa eva prāṇānūrdhvamutkrāmayati tasmāducyate oṅkāraḥ | atha kasmāducyate praṇavaḥ yasmāduccāryamāṇa eva ṛgyajuḥsāmātharvāṅgirasaṃ brahma brāhmaṇebhyaḥ praṇāmayati nāmayati ca tasmāducyate praṇavaḥ | atha kasmāducyate sarvavyāpī yasmāduccāryamāṇa eva sarvām̐llokānvyāpnoti sneho yathā palalapiṇḍamiva śāntarūpamotaprotamanuprāpto vyatiṣaktaśca tasmāducyate sarvavyāpī | atha kasmāducyate'nanto yasmāduccāryamāṇa eva tiryagūrdhvamadhastāccāsyānto nopalabhyate tasmāducyate'nantaḥ |
Why is it called Om? Because the moment it is spoken, it lifts the breaths upward. So it is called Om. Why is it called the Pranava? Because the moment it is spoken, it bows the Rig, Yajus, Saman and Atharva-angiras, the sacred word, down to the brahmins, and makes them bend. So it is called the Pranava. Why is it called the all-pervading? Because the moment it is spoken, it pervades all the worlds, as oil pervades a lump of sesame paste, peaceful in form, woven through warp and weft, reaching and clinging to everything. So it is called the all-pervading. Why is it called the endless? Because the moment it is spoken, no end of it is found, across, above or below. So it is called the endless.
Note //
Section 4 explains each name in the chain of section 3 (3.b) by a play on its sound. Editions: 'ṛgyajuḥsāmātharvāṅgirasaṃ' (sanskritdocuments.org) over '-aṅgiraso' (Adyar); 'sarvāṃl lokān vyāpnoti sneho', which the Adyar collection lacks; 'vyatiṣaktaś' (sanskritdocuments.org) over 'vyatisṛṣṭaś' (Adyar).
अथ कस्मादुच्यते तारं यस्मादुच्चार्यमाण एव गर्भजन्मव्याधिजरामरणसंसारमहाभयात्तारयति त्रायते च तस्मादुच्यते तारम् ।
atha kasmāducyate tāraṃ yasmāduccāryamāṇa eva garbhajanmavyādhijarāmaraṇasaṃsāramahābhayāttārayati trāyate ca tasmāducyate tāram |
Why is it called ''? Because the moment it is spoken, it carries one across the great fear of the round of becoming, womb, birth, sickness, old age and death, and keeps one safe. So it is called ''.
Note //
One of the explanations in section 4, where each name of Om in section 3 is explained by a play on its sound: tāra, 'that which carries across', from tārayati, 'carries across', and trāyate, 'protects'. 'The moment it is spoken' (uccāryamāṇa eva): the text says the same of each name. Read with the rest of the text, what carries across is not the sound as such but what it names, the One in the heart. Editions: 'uccāryamāṇa' (Adyar collection) corrects 'uccāramāṇa' in sanskritdocuments.org.
अथ कस्मादुच्यते शुक्लं यस्मादुच्चार्यमाण एव क्लन्दते क्लामयति च तस्मादुच्यते शुक्लम् । अथ कस्मादुच्यते सूक्ष्मं यस्मादुच्चार्यमाण एव सूक्ष्मो भूत्वा शरीराण्यधितिष्ठति सर्वाणि चाङ्गान्यभिमृशति तस्मादुच्यते सूक्ष्मम् । अथ कस्मादुच्यते वैद्युतं यस्मादुच्चार्यमाण एवाव्यक्ते महति तमसि द्योतयति तस्मादुच्यते वैद्युतम् । अथ कस्मादुच्यते परं ब्रह्म यस्मात्परमपरं परायणं च बृहद्बृहत्या बृंहयति तस्मादुच्यते परं ब्रह्म ।
atha kasmāducyate śuklaṃ yasmāduccāryamāṇa eva klandate klāmayati ca tasmāducyate śuklam | atha kasmāducyate sūkṣmaṃ yasmāduccāryamāṇa eva sūkṣmo bhūtvā śarīrāṇyadhitiṣṭhati sarvāṇi cāṅgānyabhimṛśati tasmāducyate sūkṣmam | atha kasmāducyate vaidyutaṃ yasmāduccāryamāṇa evāvyakte mahati tamasi dyotayati tasmāducyate vaidyutam | atha kasmāducyate paraṃ brahma yasmātparamaparaṃ parāyaṇaṃ ca bṛhadbṛhatyā bṛṃhayati tasmāducyate paraṃ brahma |
Why is it called the bright? Because the moment it is spoken, it cries out and makes weary. So it is called the bright. Why is it called the subtle? Because the moment it is spoken, it becomes subtle, rules the bodies, and touches every limb. So it is called the subtle. Why is it called the lightning-like? Because the moment it is spoken, it flashes in the great unmanifest darkness. So it is called the lightning-like. Why is it called the highest Brahman? Because it is the higher, the lower and the final goal, and makes the great grow great by its greatness. So it is called the highest Brahman.
Note //
'It cries out and makes weary' (klandate klāmayati ca) is obscure in both editions; the play is on the sound 'kla' in 'śukla'. Rendered literally. 'Brahman' is explained from bṛh, 'to grow great'. Editions: 'abhimṛśati' (Adyar) over 'amimṛśati'; 'avyakte' (Adyar) over 'vyakte' (sanskritdocuments.org). Pending review.
अथ कस्मादुच्यते एकः यः सर्वान्प्राणान्सम्भक्ष्य सम्भक्षणेनाजः संसृजति विसृजति च । तीर्थमेके व्रजन्ति तीर्थमेके दक्षिणाः प्रत्यञ्च उदञ्चः प्राञ्चोऽभिव्रजन्त्येके तेषां सर्वेषामिह सङ्गतिः । साकं स एको भूतश्चरति प्रजानां तस्मादुच्यत एकः । अथ कस्मादुच्यते रुद्रः यस्मादृषिभिर्नान्यैर्भक्तैर्द्रुतमस्य रूपमुपलभ्यते तस्मादुच्यते रुद्रः । अथ कस्मादुच्यते ईशानः यः सर्वान्देवानीशते ईशनीभिर्जननीभिश्च परमशक्तिभिः । अभि त्वा शूर नोनुमोऽदुग्धा इव धेनवः । ईशानमस्य जगतः स्वर्दृशमीशानमिन्द्र तस्थुष इति तस्मादुच्यते ईशानः । अथ कस्मादुच्यते भगवान्महेश्वरः यस्माद्भक्तान्ज्ञानेन भजत्यनुगृह्णाति च वाचं संसृजति विसृजति च सर्वान्भावान्परित्यज्यात्मज्ञानेन योगैश्वर्येण महति महीयते तस्मादुच्यते भगवान्महेश्वरः । तदेतद्रुद्रचरितम् ॥ ४॥
atha kasmāducyate ekaḥ yaḥ sarvānprāṇānsambhakṣya sambhakṣaṇenājaḥ saṃsṛjati visṛjati ca | tīrthameke vrajanti tīrthameke dakṣiṇāḥ pratyañca udañcaḥ prāñco'bhivrajantyeke teṣāṃ sarveṣāmiha saṅgatiḥ | sākaṃ sa eko bhūtaścarati prajānāṃ tasmāducyata ekaḥ | atha kasmāducyate rudraḥ yasmādṛṣibhirnānyairbhaktairdrutamasya rūpamupalabhyate tasmāducyate rudraḥ | atha kasmāducyate īśānaḥ yaḥ sarvāndevānīśate īśanībhirjananībhiśca paramaśaktibhiḥ | abhi tvā śūra nonumo'dugdhā iva dhenavaḥ | īśānamasya jagataḥ svardṛśamīśānamindra tasthuṣa iti tasmāducyate īśānaḥ | atha kasmāducyate bhagavānmaheśvaraḥ yasmādbhaktānjñānena bhajatyanugṛhṇāti ca vācaṃ saṃsṛjati visṛjati ca sarvānbhāvānparityajyātmajñānena yogaiśvaryeṇa mahati mahīyate tasmāducyate bhagavānmaheśvaraḥ | tadetadrudracaritam || 4||
Why is it called the One? Because, swallowing all the breaths, by that swallowing, unborn, it sends forth and draws back. Some go to one holy place, some to another: south, west, north and east. Here all of them meet. Together with creatures, it moves as the One. So it is called the One. Why is it called Rudra? Because its form is quickly found by the seers, and not by other devotees. So it is called Rudra. Why is it called the Lord, Ishana? Because it rules all the gods with its ruling, mothering, highest powers. 'Hero, we cry out to you like cows not yet milked: to the Lord of this moving world, who sees the light, the Lord, Indra, of what stands still.' So it is called the Lord. Why is it called the blessed Great Lord? Because it favours its devotees with knowledge and is gracious to them; it sends forth speech and draws it back; and, leaving all things behind, by knowledge of the Self and the lordship of yoga, it is glorified in its greatness. So it is called the blessed Great Lord. This is the story of Rudra.
Note //
The end of section 4. 'Many paths, one meeting-place': every way of seeking ends in the same One. 'Rudra' is explained from druta, 'quickly'; the verse 'Hero, we cry out to you' is Rig Veda 7.32.22. Editions: 'saṅgatiḥ', 'meeting' (Adyar), over 'sadgatiḥ' (sanskritdocuments.org); 'bhaktān jñānena bhajaty' (Adyar) over 'bhaktā jñānena bhajanty'; 'yogaiśvaryeṇa' (Adyar) over the misprint of sanskritdocuments.org; the Rig Veda verse is given in its standard form, of which both editions have misprints. Pending review.
एष ह देवः प्रदिशो नु सर्वाः पूर्वो ह जातः स उ गर्भे अन्तः । स एव जातः स जनिष्यमाणः प्रत्यङ्जनास्तिष्ठति सर्वतोमुखः । एको रुद्रो न द्वितीयाय तस्थे य इमाँल्लोकानीशत ईशनीभिः । प्रत्यङ्जनास्तिष्ठति संचुकोचान्तकाले संसृज्य विश्वा भुवनानि गोप्ता । यो योनिं योनिमधितिष्ठत्येको येनेदं संचरति विचरति सर्वम् । तमीशानं वरदं देवमीड्यं निचाय्येमां शान्तिमत्यन्तमेति । क्षमां हित्वा हेतुजालस्य मूलं बुद्ध्या संचितं स्थापयित्वा तु रुद्रे रुद्रमेकत्वमाहुः । शाश्वतं वै पुराणमिषमूर्जेन पशवोऽनुनामयन्तं मृत्युपाशान् । तदेतेनात्मन्नेतेनार्धचतुर्थेन मात्रेण शान्तिं संसृजति पशुपाशविमोक्षणम् ।
eṣa ha devaḥ pradiśo nu sarvāḥ pūrvo ha jātaḥ sa u garbhe antaḥ | sa eva jātaḥ sa janiṣyamāṇaḥ pratyaṅjanāstiṣṭhati sarvatomukhaḥ | eko rudro na dvitīyāya tasthe ya imām̐llokānīśata īśanībhiḥ | pratyaṅjanāstiṣṭhati saṃcukocāntakāle saṃsṛjya viśvā bhuvanāni goptā | yo yoniṃ yonimadhitiṣṭhatyeko yenedaṃ saṃcarati vicarati sarvam | tamīśānaṃ varadaṃ devamīḍyaṃ nicāyyemāṃ śāntimatyantameti | kṣamāṃ hitvā hetujālasya mūlaṃ buddhyā saṃcitaṃ sthāpayitvā tu rudre rudramekatvamāhuḥ | śāśvataṃ vai purāṇamiṣamūrjena paśavo'nunāmayantaṃ mṛtyupāśān | tadetenātmannetenārdhacaturthena mātreṇa śāntiṃ saṃsṛjati paśupāśavimokṣaṇam |
This god is in all the directions. He was born first, and he is within the womb. He is what has been born and what will be born. He stands facing all beings, his face on every side. Rudra is one; he did not stand for a second, who rules these worlds with his ruling powers. He stands facing all beings; having made all the worlds and guarded them, he draws them in at the end of time. The one who presides over womb after womb, by whom all this moves together and apart: seeing him, the Lord, the giver of boons, the god to be praised, one comes to this peace forever. Setting aside patience and impatience, the root of the net of causes, placing what the mind has gathered in Rudra, they call Rudra oneness: the eternal, the ancient, who with nourishment and strength bends back the nooses of death for the bound creatures. By this, in the Self, by this half-measure, the fourth, he brings about peace, the freeing of the bound from their noose.
Note //
The opening of section 5, built from the Shvetashvatara (3.2, 4.11 and others). 'He did not stand for a second' (na dvitīyāya tasthe) is the Shvetashvatara's reading (3.2); both editions here have 'tasmai'. 'Bound creatures' (paśu) and 'noose' (pāśa): the Pashupata terms for the individual and its bondage. 'Placing what the mind has gathered in Rudra' and the following lines are loosely constructed in both editions; rendered by their sense. Editions: 'eṣa ha devaḥ' (Adyar) over 'eko ha devaḥ'; 'saṃcarati vicarati' and 'varadaṃ' (Adyar). Pending review.
या सा प्रथमा मात्रा ब्रह्मदेवत्या रक्ता वर्णेन यस्तां ध्यायते नित्यं स गच्छेद्ब्राह्मं पदम् । या सा द्वितीया मात्रा विष्णुदेवत्या कृष्णा वर्णेन यस्तां ध्यायते नित्यं स गच्छेद्वैष्णवं पदम् । या सा तृतीया मात्रा ईशानदेवत्या कपिला वर्णेन यस्तां ध्यायते नित्यं स गच्छेदैशानं पदम् । या सार्धचतुर्थी मात्रा सर्वदेवत्याव्यक्तीभूता खं विचरति शुद्धस्फटिकसन्निभा वर्णेन यस्तां ध्यायते नित्यं स गच्छेत्पदमनामयम् । तदेतदुपासीत मुनयो वाग्वदन्ति न तस्य ग्रहणमयं पन्था विहित उत्तरेण येन देवा यान्ति येन पितरो येन ऋषयः परमपरं परायणं चेति ।
yā sā prathamā mātrā brahmadevatyā raktā varṇena yastāṃ dhyāyate nityaṃ sa gacchedbrāhmaṃ padam | yā sā dvitīyā mātrā viṣṇudevatyā kṛṣṇā varṇena yastāṃ dhyāyate nityaṃ sa gacchedvaiṣṇavaṃ padam | yā sā tṛtīyā mātrā īśānadevatyā kapilā varṇena yastāṃ dhyāyate nityaṃ sa gacchedaiśānaṃ padam | yā sārdhacaturthī mātrā sarvadevatyāvyaktībhūtā khaṃ vicarati śuddhasphaṭikasannibhā varṇena yastāṃ dhyāyate nityaṃ sa gacchetpadamanāmayam | tadetadupāsīta munayo vāgvadanti na tasya grahaṇamayaṃ panthā vihita uttareṇa yena devā yānti yena pitaro yena ṛṣayaḥ paramaparaṃ parāyaṇaṃ ceti |
The first measure, whose god is Brahma, is red in colour: whoever always meditates on it goes to Brahma's state. The second measure, whose god is Vishnu, is black in colour: whoever always meditates on it goes to Vishnu's state. The third measure, whose god is Ishana, is tawny in colour: whoever always meditates on it goes to Ishana's state. , whose god is all the gods, become unmanifest, moves in space, like pure crystal in colour: whoever always meditates on it goes to the state beyond all harm. Let one meditate on that. The sages say: speech cannot grasp it. This is the path laid down, the northern one, by which the gods go, the fathers and the seers: the higher, the lower, and the final goal.
Note //
The four measures of Om, as in the Atharvashikha. The first three lead to the worlds of their gods; only the fourth, which has no single god or colour, leads to 'the state beyond all harm'. Editions: 'brāhmaṃ padam' (Adyar) over 'brahmapadam'; 'śuddhasphaṭika-' (Adyar) over 'śuddhā sphaṭika-'; 'padam anāmayam' (sanskritdocuments.org) over 'padmanāmakam' (Adyar). 'Speech cannot grasp it' renders 'vāg vadanti na tasya grahaṇam', read with the Adyar collection's 'avāg', 'beyond speech'; uncertain.
वालाग्रमात्रं हृदयस्य मध्ये विश्वं देवं जातरूपं वरेण्यम् । तमात्मस्थं ये नु पश्यन्ति धीरास्तेषां शान्तिर्भवति नेतरेषाम् ॥
vālāgramātraṃ hṛdayasya madhye viśvaṃ devaṃ jātarūpaṃ vareṇyam | tamātmasthaṃ ye nu paśyanti dhīrāsteṣāṃ śāntirbhavati netareṣām ||
The size of a hair's tip, in the middle of the heart: the god who is all, golden, most to be desired. The wise who see him standing in the self: theirs is peace, and no one else's.
Note //
A verse from section 5. 'The size of a hair's tip' says how subtle, not how small: what cannot be found as an object anywhere. 'Golden' renders jātarūpa, 'of the colour of gold', also 'in its own form, as it was born'. The second half echoes Katha 2.2.13 (Hume 5.13) and Shvetashvatara 6.12: peace belongs to those who see the Self within, not to those who look for it outside. Editions: 'ye nu' (Adyar collection) corrects 'yenu' in sanskritdocuments.org.
यस्मिन्क्रोधं यां च तृष्णां क्षमां चाक्षमां हित्वा हेतुजालस्य मूलम् । बुद्ध्या संचितं स्थापयित्वा तु रुद्रे रुद्रमेकत्वमाहुः । रुद्रो हि शाश्वतेन वै पुराणेनेषमूर्जेण तपसा नियन्ता ।
yasminkrodhaṃ yāṃ ca tṛṣṇāṃ kṣamāṃ cākṣamāṃ hitvā hetujālasya mūlam | buddhyā saṃcitaṃ sthāpayitvā tu rudre rudramekatvamāhuḥ | rudro hi śāśvatena vai purāṇeneṣamūrjeṇa tapasā niyantā |
In whom, setting aside anger and craving, patience and impatience, the root of the net of causes, placing what the mind has gathered in Rudra, they call Rudra oneness. For Rudra, the eternal, the ancient, is the ruler, with nourishment, strength and heat.
Note //
A variant of lines in 5.a. Loosely constructed in both editions; rendered by its sense. Editions: 'yāṃ ca tṛṣṇāṃ kṣamāṃ cākṣamāṃ' (sanskritdocuments.org) over the Adyar collection's 'yā ca tṛṣṇā kṣamāṃ ca tṛṣṇāṃ'. Pending review.
अग्निरिति भस्म वायुरिति भस्म जलमिति भस्म स्थलमिति भस्म व्योमेति भस्म सर्वं ह वा इदं भस्म मन एतानि चक्षूंषि यस्माद्व्रतमिदं पाशुपतं यद्भस्मनाङ्गानि संस्पृशेत्तस्माद्ब्रह्म तदेतत्पाशुपतं पशुपाशविमोक्षणाय ॥ ५॥
agniriti bhasma vāyuriti bhasma jalamiti bhasma sthalamiti bhasma vyometi bhasma sarvaṃ ha vā idaṃ bhasma mana etāni cakṣūṃṣi yasmādvratamidaṃ pāśupataṃ yadbhasmanāṅgāni saṃspṛśettasmādbrahma tadetatpāśupataṃ paśupāśavimokṣaṇāya || 5||
'Fire' is ash; 'wind' is ash; 'water' is ash; 'land' is ash; 'space' is ash. All this is ash; the mind and these eyes are ash. Since this is the Pashupata vow, that one should touch the limbs with ash, it is Brahman. This is the Pashupata vow, for freeing the bound creature from its noose.
Note //
The end of section 5. Smearing the body with ash is the Pashupata vow; the meaning given is that everything, the elements, the mind and the senses, ends as ash: what remains when every form is burnt is the one. Editions: 'sarvaṃ ha vā' and 'yad bhasmanāṅgāni' (Adyar) over the misprints of sanskritdocuments.org.
योऽग्नौ रुद्रो योऽप्स्वन्तर्य ओषधीर्वीरुध आविवेश । य इमा विश्वा भुवनानि चाक्लृपे तस्मै रुद्राय नमोऽस्त्वग्नये । यो रुद्रोऽग्नौ यो रुद्रोऽप्स्वन्तर्यो रुद्र ओषधीर्वीरुध आविवेश । यो रुद्र इमा विश्वा भुवनानि चाक्लृपे तस्मै रुद्राय वै नमो नमः । यो रुद्रोऽप्सु यो रुद्र ओषधीषु यो रुद्रो वनस्पतिषु । येन रुद्रेण जगदूर्ध्वं धारितं पृथिवी द्विधा त्रिधा धर्ता धारिता नागा येऽन्तरिक्षे तस्मै रुद्राय वै नमो नमः ।
yo'gnau rudro yo'psvantarya oṣadhīrvīrudha āviveśa | ya imā viśvā bhuvanāni cāklṛpe tasmai rudrāya namo'stvagnaye | yo rudro'gnau yo rudro'psvantaryo rudra oṣadhīrvīrudha āviveśa | yo rudra imā viśvā bhuvanāni cāklṛpe tasmai rudrāya vai namo namaḥ | yo rudro'psu yo rudra oṣadhīṣu yo rudro vanaspatiṣu | yena rudreṇa jagadūrdhvaṃ dhāritaṃ pṛthivī dvidhā tridhā dhartā dhāritā nāgā ye'ntarikṣe tasmai rudrāya vai namo namaḥ |
Rudra, who is in fire, who is in the waters, who has entered the plants and the herbs, who shaped all these worlds: to that Rudra, who is fire, be homage. The Rudra in fire, the Rudra in the waters, the Rudra who has entered the plants and the herbs, the Rudra who shaped all these worlds: to that Rudra, homage, homage. The Rudra in the waters, the Rudra in the plants, the Rudra in the trees; the Rudra by whom the world is held up, the earth held twofold, threefold, the serpents in the space between: to that Rudra, homage, homage.
Note //
The opening of section 6, after Shvetashvatara 2.17. Editions: 'cākḷpe' (as in the Shvetashvatara; both editions misprint it); 'yo rudra oṣadhīr' over 'yo oṣadhīr' (sanskritdocuments.org). The line about the earth is obscure in both editions.
मूर्धानमस्य संसीव्याथर्वा हृदयं च यत् । मस्तिष्कादूर्ध्वः प्रैरयत्पवमानोऽधि शीर्षतः । तद्वा अथर्वणः शिरो देवकोशः समुब्जितः । तत्प्राणोऽभिरक्षति शिरोऽन्नमथो मनः । न च दिवो देवजनेन गुप्ता न चान्तरिक्षाणि न च भूम इमाः ।
mūrdhānamasya saṃsīvyātharvā hṛdayaṃ ca yat | mastiṣkādūrdhvaḥ prairayatpavamāno'dhi śīrṣataḥ | tadvā atharvaṇaḥ śiro devakośaḥ samubjitaḥ | tatprāṇo'bhirakṣati śiro'nnamatho manaḥ | na ca divo devajanena guptā na cāntarikṣāṇi na ca bhūma imāḥ |
Atharvan, stitching together his head and his heart, the purifying breath rose from the brain, above the head. That is Atharvan's head, the closed treasure-chest of the gods. Breath guards that head, and food, and mind. Not the heavens, guarded by the gods, nor the spaces between, nor these earths [hold more than this].
Note //
Lines from the Atharva Veda (10.2.26-27) that give the text its name, 'the head of Atharvan'. The head, sealed like a chest of the gods, holds what the worlds cannot. The last line is incomplete in both editions; the bracketed words supply its sense. Editions: 'saṃsīvyātharvā', 'prairayat pavamāno' and 'samubjitaḥ' (Adyar, as in the Atharva Veda) over the misprints of sanskritdocuments.org; 'śiro 'nnam' (Adyar) over 'śiro 'ntam'. Pending review.
यस्मिन्निदं सर्वमोतप्रोतं तस्मादन्यन्न परं किञ्चनास्ति । न तस्मात्पूर्वं न परं तदस्ति न भूतं नोत भव्यं यदासीत् । सहस्रपादेकमूर्ध्ना व्याप्तं स एवेदमावरीवर्ति भूतम् ॥
yasminnidaṃ sarvamotaprotaṃ tasmādanyanna paraṃ kiñcanāsti | na tasmātpūrvaṃ na paraṃ tadasti na bhūtaṃ nota bhavyaṃ yadāsīt | sahasrapādekamūrdhnā vyāptaṃ sa evedamāvarīvarti bhūtam ||
That on which all of this is woven, warp and weft: there is nothing other than it, nothing beyond it. Nothing was before it, nothing comes after it; nothing that has been or will be was ever apart from it. Thousand-footed, with a single head, it pervades everything. It alone keeps turning into all that has come to be.
Note //
Verses from section 6. 'Woven warp and weft' (otaprotam) is the image of Brihadaranyaka 3.8: the world is a cloth, and this is its thread. 'Thousand-footed, with a single head' recalls the Purusha hymn (Rig Veda 10.90): many in its appearances, one in itself. 'Keeps turning into' renders āvarīvarti, an intensive of 'to turn': the world is this one reality turning and turning, never something other than it. Editions: 'tasmād anyan' and 'ekamūrdhnā' (sanskritdocuments.org) over 'yasmād anyan' and 'ekamūrdhā' (Adyar collection); the Adyar collection also has misprints here ('thasmin', 'navāntarikṣāṇi').
अक्षरात्संजायते कालः कालाद्व्यापक उच्यते । व्यापको हि भगवान्रुद्रो भोगायमानो यदा शेते रुद्रस्तदा संहार्यते प्रजाः । उच्छ्वसिते तमो भवति तमस आपोऽप्स्वङ्गुल्या मथिते मथितं शिशिरे शिशिरं मथ्यमानं फेनो भवति फेनादण्डं भवत्यण्डाद्ब्रह्मा भवति ब्रह्मणो वायुः वायोरोङ्कार ओङ्कारात्सावित्री सावित्र्या गायत्री गायत्र्या लोका भवन्ति । अर्चयन्ति तपः सत्यं मधु क्षरन्ति यद्ध्रुवम् । एतद्धि परमं तपः । आपो ज्योती रसोऽमृतं ब्रह्म भूर्भुवः स्वरोम् नम इति ॥ ६॥
akṣarātsaṃjāyate kālaḥ kālādvyāpaka ucyate | vyāpako hi bhagavānrudro bhogāyamāno yadā śete rudrastadā saṃhāryate prajāḥ | ucchvasite tamo bhavati tamasa āpo'psvaṅgulyā mathite mathitaṃ śiśire śiśiraṃ mathyamānaṃ pheno bhavati phenādaṇḍaṃ bhavatyaṇḍādbrahmā bhavati brahmaṇo vāyuḥ vāyoroṅkāra oṅkārātsāvitrī sāvitryā gāyatrī gāyatryā lokā bhavanti | arcayanti tapaḥ satyaṃ madhu kṣaranti yaddhruvam | etaddhi paramaṃ tapaḥ | āpo jyotī raso'mṛtaṃ brahma bhūrbhuvaḥ svarom nama iti || 6||
From the imperishable, time is born; from time, the pervader, as it is called. For the pervader is the blessed Rudra. When Rudra lies down, coiling like a serpent, then creatures are drawn back in. When he breathes out, there is darkness; from darkness, the waters. When the waters are churned with a finger, what is churned becomes cold; the cold, churned, becomes foam; from the foam comes the egg, from the egg Brahma, from Brahma the wind, from the wind Om, from Om the Savitri, from the Savitri the Gayatri, from the Gayatri the worlds. They worship austerity and truth, which pour out honey, the unchanging. This is the highest austerity. The waters, light, essence, the deathless, Brahman: bhuh, bhuvah, svah, Om. Homage.
Note //
The end of section 6. The world unfolds from the imperishable through time, and is drawn back when Rudra lies down: the two movements of the one. 'Coiling like a serpent' renders 'bhogāyamāna'. The account of the churned waters is obscure in places ('śiśire śiśiram'). The last line is the closing formula of the Gayatri. Editions: 'bhogāyamāno' (Adyar) over 'bhogāyamano'; 'pheno' (Adyar); 'yad dhruvam' (Adyar) over 'yad bhuvam'. Pending review.
य इदमथर्वशिरो ब्राह्मणोऽधीते अश्रोत्रियः श्रोत्रियो भवति अनुपनीत उपनीतो भवति सोऽग्निपूतो भवति स वायुपूतो भवति स सूर्यपूतो भवति स सोमपूतो भवति स सत्यपूतो भवति स सर्वपूतो भवति स सर्वैर्देवैर्ज्ञातो भवति स सर्वैर्वेदैरनुध्यातो भवति स सर्वेषु तीर्थेषु स्नातो भवति तेन सर्वैः क्रतुभिरिष्टं भवति गायत्र्याः षष्टिसहस्राणि जप्तानि भवन्ति इतिहासपुराणानां रुद्राणां शतसहस्राणि जप्तानि भवन्ति । प्रणवानामयुतं जप्तं भवति । आ चक्षुषः पङ्क्तिं पुनाति । आ सप्तमात्पुरुषयुगान्पुनातीत्याह भगवानथर्वशिरः । सकृज्जप्त्वैव शुचिः स पूतः कर्मण्यो भवति । द्वितीयं जप्त्वा गणाधिपत्यमवाप्नोति । तृतीयं जप्त्वैवमेवानुप्रविशत्योम् सत्यमोम् सत्यमोम् सत्यम् ॥ ७॥
ya idamatharvaśiro brāhmaṇo'dhīte aśrotriyaḥ śrotriyo bhavati anupanīta upanīto bhavati so'gnipūto bhavati sa vāyupūto bhavati sa sūryapūto bhavati sa somapūto bhavati sa satyapūto bhavati sa sarvapūto bhavati sa sarvairdevairjñāto bhavati sa sarvairvedairanudhyāto bhavati sa sarveṣu tīrtheṣu snāto bhavati tena sarvaiḥ kratubhiriṣṭaṃ bhavati gāyatryāḥ ṣaṣṭisahasrāṇi japtāni bhavanti itihāsapurāṇānāṃ rudrāṇāṃ śatasahasrāṇi japtāni bhavanti | praṇavānāmayutaṃ japtaṃ bhavati | ā cakṣuṣaḥ paṅktiṃ punāti | ā saptamātpuruṣayugānpunātītyāha bhagavānatharvaśiraḥ | sakṛjjaptvaiva śuciḥ sa pūtaḥ karmaṇyo bhavati | dvitīyaṃ japtvā gaṇādhipatyamavāpnoti | tṛtīyaṃ japtvaivamevānupraviśatyom satyamom satyamom satyam || 7||
The Brahmin who studies this Atharvashiras, if he has not learned the Veda, becomes learned in it; if he has not been initiated, becomes initiated. He is made pure by fire, by wind, by the sun, by soma, by truth; he is made pure in every way. He is known by all the gods, remembered by all the Vedas; he has bathed at all the holy places, and has offered every sacrifice. Sixty thousand repetitions of the Gayatri are his, a hundred thousand of the epics, the old tales and the Rudra hymns, ten thousand of Om. He purifies the row of those he sees, and seven generations. So says the blessed Atharvashiras. Repeating it once, one becomes clean, purified, fit for the rites. Repeating it twice, one gains lordship over Shiva's hosts. Repeating it a third time, one enters into That itself. Om, the true. Om, the true. Om, the true.
Note //
Section 7, the closing praise of study. 'Enters into That itself' (evam evānupraviśati): the last repetition does not bring a reward but returns one to what the text has been naming. Editions: the Adyar collection adds 'by soma, by truth... in every way', which sanskritdocuments.org lacks; 'ā cakṣuṣaḥ' (Adyar) over 'sa cakṣuṣaḥ'.
No public-domain English translation exists for this text; the Sanskrit is shown.
The renderings on this page are shared under CC BY-NC 4.0, in the words of Pranav Ashar.