Sharabha Upanishad

In the words of Pranav Ashar
How we renderThe heart of the Sharabha
In brief
Asked which god is highest, Brahma praises Mahesha, the father of the gods, who took the terrible form of Sharabha and subdued Nrisimha. Then the tone changes. The Lord is the Self, smaller than the small and greater than the great, hidden in the cave of every creature; true, eternal, the witness of all. Offering, offerer and fire are all Brahman. The 'arrows' (śara) are the individual selves, and Hari shines in them; Sharabha is Brahman itself. Shiva alone is eternal; everything else is unreal on its own.
- Which god is highest?
- The Self in the cave
- The witness of all
- All is Brahman
- One alone is eternal
अथ हैनं पैप्पलादो ब्रह्माणमुवाच भो भगवन्ब्रह्मविष्णुरुद्राणां मध्ये को वाधिकतरो ध्येयः स्यात्तत्त्वमेव नो ब्रूहीति । तस्मै स होवाच पितामहश्च हे पैप्पलाद शृणु वाक्यमेतत् । बहूनि पुण्यानि कृतानि येन तेनैव लभ्यः परमेश्वरोऽसौ । यस्याङ्गजोऽहं हरिरिन्द्रमुख्या मोहान्न जानन्ति सुरेन्द्रमुख्याः ॥ १॥
atha hainaṃ paippalādo brahmāṇamuvāca bho bhagavanbrahmaviṣṇurudrāṇāṃ madhye ko vādhikataro dhyeyaḥ syāttattvameva no brūhīti | tasmai sa hovāca pitāmahaśca he paippalāda śṛṇu vākyametat | bahūni puṇyāni kṛtāni yena tenaiva labhyaḥ parameśvaro'sau | yasyāṅgajo'haṃ haririndramukhyā mohānna jānanti surendramukhyāḥ || 1||
Then Paippalada said to Brahma: 'Lord, among Brahma, Vishnu and Rudra, which is most to be meditated on? Tell us the truth.' The Grandfather said to him: 'Paippalada, listen to this word. That highest Lord is reached only by one who has done much good. I was born from his body, and Hari, Indra and the other chief gods, in their delusion, do not know him.
Note //
Brahma, the creator, speaks of Rudra as the one from whom he himself was born. Editions agree.
प्रभुं वरेण्यं पितरं महेशं यो ब्रह्माणं विदधाति तस्मै । वेदांश्च सर्वान्प्रहिणोति चाग्र्यं तं वै प्रभुं पितरं देवतानाम् ॥ २॥
prabhuṃ vareṇyaṃ pitaraṃ maheśaṃ yo brahmāṇaṃ vidadhāti tasmai | vedāṃśca sarvānprahiṇoti cāgryaṃ taṃ vai prabhuṃ pitaraṃ devatānām || 2||
The Lord, most to be chosen, the father, the great Lord, who made Brahma first and sent him all the Vedas: him, the Lord, the father of the gods,
Note //
After Shvetashvatara 6.18. The sentence runs into verse 3. Editions agree.
ममापि विष्णोर्जनकं देवमीड्यं योऽन्तकाले सर्वलोकान्संजहार ॥ ३॥
mamāpi viṣṇorjanakaṃ devamīḍyaṃ yo'ntakāle sarvalokānsaṃjahāra || 3||
the god to be praised, the begetter of me and of Vishnu, who at the end of time draws all the worlds back in:
Note //
A half verse in both editions. The sentence runs into verse 4. Editions agree.
स एकः श्रेष्ठश्च सर्वशास्ता स एव वरिष्ठश्च । यो घोरं वेषमास्थाय शरभाख्यं महेश्वरः । नृसिंहं लोकहन्तारं संजघान महाबलः ॥ ४॥
sa ekaḥ śreṣṭhaśca sarvaśāstā sa eva variṣṭhaśca | yo ghoraṃ veṣamāsthāya śarabhākhyaṃ maheśvaraḥ | nṛsiṃhaṃ lokahantāraṃ saṃjaghāna mahābalaḥ || 4||
He alone is the best, the ruler of all; he alone is the highest: Maheshvara, who took on the terrible form called Sharabha, and, mighty, struck down Nrisimha, who was destroying the world.
Note //
The story behind the text's name. In the Shaiva Puranas, after Nrisimha killed the demon Hiranyakashipu, his rage threatened the world, and Shiva took the form of the Sharabha to subdue him. The Upanishad tells it to answer the question 'which god is highest?'; the insight shows how the text itself reads the story. Editions agree.
हरिं हरन्तं पादाभ्यामनुयान्ति सुरेश्वराः । मा वधीः पुरुषं विष्णुं विक्रमस्व महानसि ॥ ५॥
hariṃ harantaṃ pādābhyāmanuyānti sureśvarāḥ | mā vadhīḥ puruṣaṃ viṣṇuṃ vikramasva mahānasi || 5||
As he carried Hari off by the feet, the lords of the gods followed him: 'Do not kill the Person, Vishnu! Show your might: you are great.'
Note //
Editions agree.
कृपया भगवान्विष्णुं विददार नखैः खरैः । चर्माम्बरो महावीरो वीरभद्रो बभूव ह ॥ ६॥
kṛpayā bhagavānviṣṇuṃ vidadāra nakhaiḥ kharaiḥ | carmāmbaro mahāvīro vīrabhadro babhūva ha || 6||
Out of compassion the blessed one tore Vishnu with his sharp claws; clothed in the skin, the great hero became Virabhadra.
Note //
The episode is a Shaiva telling, in the convention of sectarian literature, in which each tradition shows its god above the others. The text itself reads it otherwise in verse 27: the Sharabha is Brahman, and what it subdues is the individual's sense of separateness. Rendered as the text has it. Editions agree.
स एको रुद्रो ध्येयः सर्वेषां सर्वसिद्धये । यो ब्रह्मणः पञ्चमवक्त्रहन्ता तस्मै रुद्राय नमो अस्तु ॥ ७॥
sa eko rudro dhyeyaḥ sarveṣāṃ sarvasiddhaye | yo brahmaṇaḥ pañcamavaktrahantā tasmai rudrāya namo astu || 7||
That one, Rudra, is to be meditated on by all, for every attainment. He cut off Brahma's fifth head: to that Rudra be homage.
Note //
Verses 7-13 praise Rudra by his deeds in the Puranas, each ending with the refrain 'to that Rudra be homage'. Editions: 'pañcamavaktra-' (Adyar) over 'pañcavakra-' (sanskritdocuments.org).
यो विस्फुलिङ्गेन ललाटजेन सर्वं जगद्भस्मसात्संकरोति । पुनश्च सृष्ट्वा पुनरप्यरक्षदेवं स्वतन्त्रं प्रकटीकरोति । तस्मै रुद्राय नमो अस्तु ॥ ८॥
yo visphuliṅgena lalāṭajena sarvaṃ jagadbhasmasātsaṃkaroti | punaśca sṛṣṭvā punarapyarakṣadevaṃ svatantraṃ prakaṭīkaroti | tasmai rudrāya namo astu || 8||
He who, with a spark from his forehead, turns the whole world to ash, and creates it again and protects it again, so showing that he is free: to that Rudra be homage.
Note //
Editions agree.
यो वामपादेन जघान कालं घोरं पपेऽथो हालहलं दहन्तम् । तस्मै रुद्राय नमो अस्तु ॥ ९॥
yo vāmapādena jaghāna kālaṃ ghoraṃ pape'tho hālahalaṃ dahantam | tasmai rudrāya namo astu || 9||
He who struck down Time with his left foot, and drank the terrible poison that was burning everything: to that Rudra be homage.
Note //
Shiva kicked Death (Kala) to save Markandeya, and drank the poison churned from the ocean. Editions agree.
यो वामपादार्चितविष्णुनेत्रस्तस्मै ददौ चक्रमतीव हृष्टः । तस्मै रुद्राय नमो अस्तु ॥ १०॥
yo vāmapādārcitaviṣṇunetrastasmai dadau cakramatīva hṛṣṭaḥ | tasmai rudrāya namo astu || 10||
He on whose left foot Vishnu offered his eye, and who, well pleased, gave him the discus: to that Rudra be homage.
Note //
In the story, Vishnu, short of one lotus in a thousand, offered his own eye. Editions agree.
यो दक्षयज्ञे सुरसङ्घान्विजित्य विष्णुं बबन्धोरगपाशेन वीरः । तस्मै रुद्राय नमो अस्तु ॥ ११॥
yo dakṣayajñe surasaṅghānvijitya viṣṇuṃ babandhoragapāśena vīraḥ | tasmai rudrāya namo astu || 11||
The hero who, at Daksha's sacrifice, defeated the hosts of the gods and bound Vishnu with a noose of snakes: to that Rudra be homage.
Note //
Editions agree.
यो लीलयैव त्रिपुरं ददाह विष्णुं कविं सोमसूर्याग्निनेत्रः । सर्वे देवाः पशुतामवापुः स्वयं तस्मात्पशुपतिर्बभूव । तस्मै रुद्राय नमो अस्तु ॥ १२॥
yo līlayaiva tripuraṃ dadāha viṣṇuṃ kaviṃ somasūryāgninetraḥ | sarve devāḥ paśutāmavāpuḥ svayaṃ tasmātpaśupatirbabhūva | tasmai rudrāya namo astu || 12||
He who burnt the three cities as if in play, with Vishnu, the wise one, as his arrow, whose eyes are moon, sun and fire; all the gods became his creatures, and so he became the Lord of creatures: to that Rudra be homage.
Note //
At the burning of the three cities, the gods agreed to be his 'bound creatures' (paśu), and he became Pashupati. 'With Vishnu as his arrow' supplies the sense of 'viṣṇuṃ kaviṃ', which is loosely constructed. Editions agree.
यो मत्स्यकूर्मादिवराहसिंहान्विष्णुं क्रमन्तं वामनमादिविष्णुम् । विविक्लवं पीड्यमानं सुरेशं भस्मीचकार मन्मथं यमं च । तस्मै रुद्राय नमो अस्तु ॥ १३॥
yo matsyakūrmādivarāhasiṃhānviṣṇuṃ kramantaṃ vāmanamādiviṣṇum | viviklavaṃ pīḍyamānaṃ sureśaṃ bhasmīcakāra manmathaṃ yamaṃ ca | tasmai rudrāya namo astu || 13||
He who subdued the fish, the tortoise, the boar and the lion, Vishnu striding as the dwarf, the first Vishnu, and the lord of the gods when he was afflicted and helpless, and burnt Kama and Yama to ash: to that Rudra be homage.
Note //
The verse is loosely constructed in both editions; rendered by its sense. Editions: 'vāmanam ādi-' (sanskritdocuments.org) over 'vāmanabhādi-' (Adyar).
एवं प्रकारेण बहुधा प्रतुष्ट्वा क्षमापयामासुर्नीलकण्ठं महेश्वरम् । तापत्रयसमुद्भूतजन्ममृत्युजरादिभिः । नानाविधानि दुःखानि जहार परमेश्वरः ॥ १४॥
evaṃ prakāreṇa bahudhā pratuṣṭvā kṣamāpayāmāsurnīlakaṇṭhaṃ maheśvaram | tāpatrayasamudbhūtajanmamṛtyujarādibhiḥ | nānāvidhāni duḥkhāni jahāra parameśvaraḥ || 14||
Praising him in many ways like this, they asked the blue-throated Great Lord to forgive them. The highest Lord took away the many sorrows, birth, death, old age and the rest, that come from the three kinds of pain.
Note //
Editions: 'nānāvidhāni' (Adyar) over 'nāvidhāni' (sanskritdocuments.org).
एवं मन्त्रैः प्रार्थ्यमान आत्मा वै सर्वदेहिनाम् । शङ्करो भगवानाद्यो ररक्ष सकलाः प्रजाः ॥ १५॥
evaṃ mantraiḥ prārthyamāna ātmā vai sarvadehinām | śaṅkaro bhagavānādyo rarakṣa sakalāḥ prajāḥ || 15||
Prayed to with these mantras, Shankara, the blessed first one, the Self of all embodied beings, protected all creatures.
Note //
'The Self of all embodied beings': the god of the story is the Self of all. Editions agree.
यत्पादाम्भोरुहद्वन्द्वं मृग्यते विष्णुना सह । स्तुत्वा स्तुत्यं महेशानमवाङ्मनसगोचरम् ॥ १६॥
yatpādāmbhoruhadvandvaṃ mṛgyate viṣṇunā saha | stutvā stutyaṃ maheśānamavāṅmanasagocaram || 16||
He whose two lotus feet are sought even by Vishnu; having praised the praiseworthy Great Lord, beyond the reach of speech and mind,
Note //
The sentence runs into verse 17. Editions agree.
भक्त्या नम्रतनोर्विष्णोः प्रसादमकरोद्विभुः । यतो वाचो निवर्तन्ते अप्राप्य मनसा सह । आनन्दं ब्रह्मणो विद्वान्न बिभेति कदाचनेति ॥ १७॥
bhaktyā namratanorviṣṇoḥ prasādamakarodvibhuḥ | yato vāco nivartante aprāpya manasā saha | ānandaṃ brahmaṇo vidvānna bibheti kadācaneti || 17||
to Vishnu, bowing in devotion, the all-pervading one showed his grace. 'From which words turn back, not reaching it, together with the mind: the one who knows that bliss of Brahman is never afraid.'
Note //
Vishnu, forgiven, is shown the grace of knowledge, and the text quotes Taittiriya 2.4: the one to whom all the gods turn is the bliss that words cannot reach. Editions agree.
अणोरणीयान्महतो महीयानात्मास्य जन्तोर्निहितो गुहायाम् । तमक्रतुं पश्यति वीतशोको धातुः प्रसादान्महिमानमीशम् ॥ १८॥
aṇoraṇīyānmahato mahīyānātmāsya jantornihito guhāyām | tamakratuṃ paśyati vītaśoko dhātuḥ prasādānmahimānamīśam || 18||
Smaller than the small, greater than the great, the Self is hidden in the cave of this creature. One free of wanting sees it, and, beyond sorrow, by the grace of the creator, sees the greatness of the Lord.
Note //
Katha 1.2.20 (Hume 2.20) and Shvetashvatara 3.20, with 'the Lord' (īśam) at the end as in the Shvetashvatara. 'The cave' is the heart, the inmost of each being. Editions agree.
वसिष्ठवैयासकिवामदेवविरिञ्चिमुख्यैर्हृदि भाव्यमानः । सनत्सुजातादिसनातनाद्यैरीड्यो महेशो भगवानादिदेवः ॥ १९॥
vasiṣṭhavaiyāsakivāmadevaviriñcimukhyairhṛdi bhāvyamānaḥ | sanatsujātādisanātanādyairīḍyo maheśo bhagavānādidevaḥ || 19||
Held in the heart by Vasishtha, by Vyasa's son, by Vamadeva, by Brahma and the others; praised by Sanatsujata, Sanatana and the rest: the Great Lord, the blessed, the first god.
Note //
Editions agree.
सत्यो नित्यः सर्वसाक्षी महेशो नित्यानन्दो निर्विकल्पो निराख्यः । अचिन्त्यशक्तिर्भगवान्गिरीशः स्वाविद्यया कल्पितमानभूमिः ॥ २०॥
satyo nityaḥ sarvasākṣī maheśo nityānando nirvikalpo nirākhyaḥ | acintyaśaktirbhagavāngirīśaḥ svāvidyayā kalpitamānabhūmiḥ || 20||
True, eternal, the witness of all, the great Lord, bliss without end, without division, without a name, of unthinkable power, the blessed Lord of the mountain: the ground on which our own builds its measures.
Note //
'The ground on which our own not-knowing builds its measures' renders 'svāvidyayā kalpita-māna-bhūmiḥ', read as: all our measuring and knowing of things is built on him by our own not-knowing, and he is the ground of it untouched. The phrase could also mean 'whose sphere of measure is imagined by his own power of not-knowing'. Pending review. Editions agree.
अतिमोहकरी माया मम विष्णोश्च सुव्रत । तस्य पादाम्बुजध्यानाद्दुस्तरा सुतरा भवेत् ॥ २१॥
atimohakarī māyā mama viṣṇośca suvrata | tasya pādāmbujadhyānāddustarā sutarā bhavet || 21||
Maya deludes even me, and Vishnu, you of good vows. By meditation on his lotus feet, what is hard to cross becomes easy to cross.
Note //
Compare Bhagavad Gita 7.14. Editions agree.
विष्णुर्विश्वजगद्योनिः स्वांशभूतैः स्वकैः सह । ममांशसम्भवो भूत्वा पालयत्यखिलं जगत् ॥ २२॥
viṣṇurviśvajagadyoniḥ svāṃśabhūtaiḥ svakaiḥ saha | mamāṃśasambhavo bhūtvā pālayatyakhilaṃ jagat || 22||
Vishnu, the source of the whole world, together with those who are parts of him, being born from a part of me, protects the whole world.
Note //
'Me': Brahma, the speaker, or Rudra speaking through him; uncertain. Editions agree.
विनाशं कालतो याति ततोऽन्यत्सकलं मृषा । ॐ तस्मै महाग्रासाय महादेवाय शूलिने । महेश्वराय मृडाय तस्मै रुद्राय नमो अस्तु ॥ २३॥
vināśaṃ kālato yāti tato'nyatsakalaṃ mṛṣā | oṃ tasmai mahāgrāsāya mahādevāya śūline | maheśvarāya mṛḍāya tasmai rudrāya namo astu || 23||
It goes to destruction in time; all that is other than him is false. Om. To the great swallower, the great god, who holds the trident, to the Great Lord, the gracious, to that Rudra be homage.
Note //
'False' (mṛṣā): real as appearance, not on its own. Editions agree.
एको विष्णुर्महद्भूतं पृथग्भूतान्यनेकशः । त्रीँल्लोकान्व्याप्य भूतात्मा भुङ्क्ते विश्वभुगव्ययः ॥ २४॥
eko viṣṇurmahadbhūtaṃ pṛthagbhūtānyanekaśaḥ | trīm̐llokānvyāpya bhūtātmā bhuṅkte viśvabhugavyayaḥ || 24||
Vishnu is one, the great being; beings are separate and many. Pervading the three worlds, the Self of beings, the unchanging, who enjoys all, enjoys.
Note //
Editions: 'pṛthagbhūtāny' (Adyar) over 'pṛthagbhūtāy' (sanskritdocuments.org).
चतुर्भिश्च चतुर्भिश्च द्वाभ्यां पञ्चभिरेव च । हूयते च पुनर्द्वाभ्यां स मे विष्णुः प्रसीदतु ॥ २५॥
caturbhiśca caturbhiśca dvābhyāṃ pañcabhireva ca | hūyate ca punardvābhyāṃ sa me viṣṇuḥ prasīdatu || 25||
He to whom offering is made with four and four, with two and with five, and again with two: may that Vishnu be gracious to me.
Note //
The numbers are the syllables of the ritual calls (āśrāvaya, astu śrauṣaṭ, yaja, ye yajāmahe, vauṣaṭ). Editions: 'pañcabhir' (Adyar) over 'pañcamir' (sanskritdocuments.org).
ब्रह्मार्पणं ब्रह्म हविर्ब्रह्माग्नौ ब्रह्मणा हुतम् । ब्रह्मैव तेन गन्तव्यं ब्रह्मकर्मसमाधिना ॥ २६॥
brahmārpaṇaṃ brahma havirbrahmāgnau brahmaṇā hutam | brahmaiva tena gantavyaṃ brahmakarmasamādhinā || 26||
The offering is Brahman, the oblation is Brahman, poured by Brahman into the fire that is Brahman. Brahman alone is reached by one who sees Brahman in every act.
Note //
Bhagavad Gita 4.24, quoted in full. Every part of the act, giver, gift, fire and goal, is the one reality. Editions agree.
शरा जीवास्तदङ्गेषु भाति नित्यं हरिः स्वयम् । ब्रह्मैव शरभः साक्षान्मोक्षदोऽयं महामुने ॥ २७॥
śarā jīvāstadaṅgeṣu bhāti nityaṃ hariḥ svayam | brahmaiva śarabhaḥ sākṣānmokṣado'yaṃ mahāmune || 27||
The arrows are the . In their limbs Hari himself always shines. The Sharabha is Brahman itself, the giver of freedom, great sage.
Note //
The name explained: 'śara' means arrow, and the arrows are the individual selves (jīva). Hari, Vishnu, shines in them; the Sharabha that subdues is Brahman itself. The contest of the story is resolved: the god who was subdued is the light in every self. Editions: 'brahmaiva' (sanskritdocuments.org) corrects 'brahmeva'.
मायावशादेव देवा मोहिता ममतादिभिः । तस्य माहात्म्यलेशांशं वक्तुं केनाप्यशक्यते ॥ २८॥
māyāvaśādeva devā mohitā mamatādibhiḥ | tasya māhātmyaleśāṃśaṃ vaktuṃ kenāpyaśakyate || 28||
Only by the power of maya are the gods deluded, by 'mine' and the rest. Not even a fraction of a trace of his greatness can be told by anyone.
Note //
Editions agree.
परात्परतरं ब्रह्म यत्परात्परतो हरिः । परात्परतरो हीशस्तस्मात्तुल्योऽधिको न हि ॥ २९॥
parātparataraṃ brahma yatparātparato hariḥ | parātparataro hīśastasmāttulyo'dhiko na hi || 29||
Brahman is higher than the high; Hari is higher than the high; the Lord is higher than the high: so there is none equal or greater.
Note //
Three names, each 'higher than the high': there is nothing higher than the one they all name. Editions agree.
एक एव शिवो नित्यस्ततोऽन्यत्सकलं मृषा । तस्मात्सर्वान्परित्यज्य ध्येयान्विष्ण्वादिकान्सुरान् ॥ ३०॥
eka eva śivo nityastato'nyatsakalaṃ mṛṣā | tasmātsarvānparityajya dhyeyānviṣṇvādikānsurān || 30||
Shiva alone is eternal, the one. All else is . So, setting aside all the gods one might meditate on, Vishnu and the rest,
Note //
'Unreal on its own' renders mṛṣā: not nothing, but without being of its own, as an appearance has no being apart from what appears. The sentence continues in verse 31: 'Shiva alone is always to be meditated on, who frees from all becoming.' 'Shiva', 'the auspicious', is read as the one reality, not as one god among others. Editions agree.
शिव एव सदा ध्येयः सर्वसंसारमोचकः । तस्मै महाग्रासाय महेश्वराय नमः ॥ ३१॥
śiva eva sadā dhyeyaḥ sarvasaṃsāramocakaḥ | tasmai mahāgrāsāya maheśvarāya namaḥ || 31||
Shiva alone is always to be meditated on, who frees from all the round of becoming. To the great swallower, the Great Lord, homage.
Note //
Editions agree.
पैप्पलादं महाशास्त्रं न देयं यस्य कस्यचित् । नास्तिकाय कृतघ्नाय दुर्वृत्ताय दुरात्मने ॥ ३२॥
paippalādaṃ mahāśāstraṃ na deyaṃ yasya kasyacit | nāstikāya kṛtaghnāya durvṛttāya durātmane || 32||
This great teaching of Paippalada is not to be given to just anyone: not to one who denies, the ungrateful, the ill-behaved, the wicked,
Note //
The sentence runs into verse 33. Editions agree.
दाम्भिकाय नृशंसाय शठायानृतभाषिणे । सुव्रताय सुभक्ताय सुवृत्ताय सुशीलिने ॥ ३३॥
dāmbhikāya nṛśaṃsāya śaṭhāyānṛtabhāṣiṇe | suvratāya subhaktāya suvṛttāya suśīline || 33||
the hypocrite, the cruel, the deceitful, the liar. To one of good vows, devoted, of good conduct and good character,
Note //
Editions agree.
गुरुभक्ताय दान्ताय शान्ताय ऋजुचेतसे । शिवभक्ताय दातव्यं ब्रह्मकर्मोक्तधीमते ॥ ३४॥
gurubhaktāya dāntāya śāntāya ṛjucetase | śivabhaktāya dātavyaṃ brahmakarmoktadhīmate || 34||
devoted to the teacher, restrained, calm, straight in mind, devoted to Shiva, wise in what is taught about Brahman and about rites: to such a one it is to be given.
Note //
Editions agree.
स्वभक्तायैव दातव्यमकृतघ्नाय सुव्रत । न दातव्यं सदा गोप्यं यत्नेनैव द्विजोत्तम ॥ ३५॥
svabhaktāyaiva dātavyamakṛtaghnāya suvrata | na dātavyaṃ sadā gopyaṃ yatnenaiva dvijottama || 35||
Only to one devoted to you, not ungrateful, should it be given, you of good vows; otherwise it is not to be given. Best of Brahmins, it is always to be guarded with care.
Note //
Editions: 'suvrata' (Adyar, vocative) over 'suvratam' (sanskritdocuments.org).
एतत्पैप्पलादं महाशास्त्रं योऽधीते श्रावयेद्द्विजः स जन्ममरणेभ्यो मुक्तो भवति । यो जानीते सोऽमृतत्वं च गच्छति । गर्भवासाद्विमुक्तो भवति । सुरापानात्पूतो भवति । स्वर्णस्तेयात्पूतो भवति । ब्रह्महत्यात्पूतो भवति । गुरुतल्पगमनात्पूतो भवति । स सर्वान्वेदानधीतो भवति । स सर्वान्देवान्ध्यातो भवति । स समस्तमहापातकोपपातकात्पूतो भवति । तस्मादविमुक्तमाश्रितो भवति । स सततं शिवप्रियो भवति । स शिवसायुज्यमेति । न स पुनरावर्तते न स पुनरावर्तते । ब्रह्मैव भवति । इत्याह भगवान्ब्रह्मेत्युपनिषत् ॥ ३६॥
etatpaippalādaṃ mahāśāstraṃ yo'dhīte śrāvayeddvijaḥ sa janmamaraṇebhyo mukto bhavati | yo jānīte so'mṛtatvaṃ ca gacchati | garbhavāsādvimukto bhavati | surāpānātpūto bhavati | svarṇasteyātpūto bhavati | brahmahatyātpūto bhavati | gurutalpagamanātpūto bhavati | sa sarvānvedānadhīto bhavati | sa sarvāndevāndhyāto bhavati | sa samastamahāpātakopapātakātpūto bhavati | tasmādavimuktamāśrito bhavati | sa satataṃ śivapriyo bhavati | sa śivasāyujyameti | na sa punarāvartate na sa punarāvartate | brahmaiva bhavati | ityāha bhagavānbrahmetyupaniṣat || 36||
The twice-born who studies this great teaching of Paippalada, or has it heard, is freed from birth and death. The one who knows it goes to the deathless; he is freed from dwelling in the womb; he is made pure from drinking liquor, from stealing gold, from killing a brahmin, from violating the teacher's bed. He has studied all the Vedas, meditated on all the gods; he is made pure of every great and lesser wrong. So he has taken refuge in Avimukta. He is always dear to Shiva; he reaches union with Shiva. He does not return; he does not return. He becomes Brahman. So said the blessed Brahma. This is the Upanishad.
Note //
The closing praise. 'Avimukta', 'never left', is Kashi, and in the Jabala Upanishad the place between the brows. It ends where verse 27 pointed: 'he becomes Brahman'. Numbered 36 in the Adyar collection; unnumbered in sanskritdocuments.org. Editions agree.
No public-domain English translation exists for this text; the Sanskrit is shown.
The renderings on this page are shared under CC BY-NC 4.0, in the words of Pranav Ashar.