Atma Bodha

In the words of Pranav Ashar
How we renderThe heart of the Atma Bodha
In brief
The Atma Bodha, 'waking to the Self', is a primer of sixty-eight verses attributed to Shankara and read everywhere as the shortest full statement of Advaita: knowing alone frees, as fire alone cooks; the world looks real until Brahman is known, as silver in shell; the Self seems cut up by its frames as space by pots; the witness is a king watching his ministers; freedom is the necklace already at one's throat. It is given here complete, with John Taylor's translation of 1812, the first of any Sanskrit philosophical text into English, beside each verse.
Contents
तपोभिः क्षीणपापानां शान्तानां वीतरागिणाम् । मुमुक्षूणामपेक्ष्योऽयमात्मबोधो विधीयते ॥ १ ॥
tapobhiḥ kṣīṇapāpānāṃ śāntānāṃ vītarāgiṇām | mumukṣūṇāmapekṣyo'yamātmabodho vidhīyate || 1 ||
For those whose wrongs have worn thin with discipline, who are at peace, whose wanting has left, who want freedom: this knowledge of is set down for them.
Note //
Atma-bodha, 'the waking to the Self'. The four conditions are the usual four means in short.
बोधोऽन्यसाधनेभ्यो हि साक्षान्मोक्षैकसाधनम् । पाकस्य वह्निवज्ज्ञानं विना मोक्षो न सिध्यति ॥ २ ॥
bodho'nyasādhanebhyo hi sākṣānmokṣaikasādhanam | pākasya vahnivajjñānaṃ vinā mokṣo na sidhyati || 2 ||
Of all the means, knowing alone is the direct means to freedom, as fire is to cooking: without knowing, freedom does not come about.
अविरोधितया कर्म नाविद्यां विनिवर्तयेत् । विद्याऽविद्यां निहन्त्येव तेजस्तिमिरसङ्घवत् ॥ ३ ॥
avirodhitayā karma nāvidyāṃ vinivartayet | vidyā'vidyāṃ nihantyeva tejastimirasaṅghavat || 3 ||
Action cannot drive out not-knowing, since it is not opposed to it; knowledge does end not-knowing, as light ends a mass of darkness.
Note //
The ground of position 7: only knowing ends the covering; action, however good, works on another level.
परिच्छिन्न इवाज्ञानात्तन्नाशे सति केवलः । स्वयं प्रकाशते ह्यात्मा मेघापायेंऽशुमानिव ॥ ४ ॥
paricchinna ivājñānāttannāśe sati kevalaḥ | svayaṃ prakāśate hyātmā meghāpāyeṃ'śumāniva || 4 ||
seems cut up, through not-knowing; when that is gone it is one alone, and shines by itself, like the sun when the cloud has moved away.
अज्ञानकलुषं जीवं ज्ञानाभ्यासाद्विनिर्मलम् । कृत्वा ज्ञानं स्वयं नश्येज्जलं कतकरेणुवत् ॥ ५ ॥
ajñānakaluṣaṃ jīvaṃ jñānābhyāsādvinirmalam | kṛtvā jñānaṃ svayaṃ naśyejjalaṃ katakareṇuvat || 5 ||
Having made the person, muddied by not-knowing, clean by the practice of knowing, knowing itself goes away, like the clearing-nut powder in water.
Note //
The kataka nut was ground and stirred into muddy water; it settled with the mud and left the water clear. Knowledge, which is a thought, goes with what it removes (compare Vedantasara 172).
संसारः स्वप्नतुल्यो हि रागद्वेषादिसङ्कुलः । स्वकाले सत्यवद्भाति प्रबोधे सत्यसद्भवेत् ॥ ६ ॥
saṃsāraḥ svapnatulyo hi rāgadveṣādisaṅkulaḥ | svakāle satyavadbhāti prabodhe satyasadbhavet || 6 ||
The round is like a dream, crowded with liking and disliking; while it lasts it looks real; on waking it turns out not to be.
तावत्सत्यं जगद्भाति शुक्तिकारजतं यथा । यावन्न ज्ञायते ब्रह्म सर्वाधिष्ठानमद्वयम् ॥ ७ ॥
tāvatsatyaṃ jagadbhāti śuktikārajataṃ yathā | yāvanna jñāyate brahma sarvādhiṣṭhānamadvayam || 7 ||
The world looks real, as silver in shell, only as long as Brahman is not known, the not-two, the ground of everything.
उपादानेऽखिलाधारे जगन्ति परमेश्वरे । सर्गस्थितिलयान् यान्ति बुद्बुदानीव वारिणि ॥ ८ ॥
upādāne'khilādhāre jaganti parameśvare | sargasthitilayān yānti budbudānīva vāriṇi || 8 ||
In , the highest, the material and the ground of everything, the worlds arise, stay and dissolve, like bubbles in water.
Note //
Not in Taylor's text. The order as both material and ground is the site's position 3.
सच्चिदात्मन्यनुस्यूते नित्ये विष्णौ प्रकल्पिताः । व्यक्तयो विविधाः सर्वा हाटके कटकादिवत् ॥ ९ ॥
saccidātmanyanusyūte nitye viṣṇau prakalpitāḥ | vyaktayo vividhāḥ sarvā hāṭake kaṭakādivat || 9 ||
On of being and awareness, running through all, everlasting, Vishnu, all the many particulars are imagined, like bracelets and the rest on gold.
Note //
Some editions omit this verse. Vishnu here is a name for the all-pervading Self.
यथाकाशो हृषीकेशो नानोपाधिगतो विभुः । तद्भेदाद्भिन्नवद्भाति तन्नाशे केवलो भवेत् ॥ १० ॥
yathākāśo hṛṣīkeśo nānopādhigato vibhuḥ | tadbhedādbhinnavadbhāti tannāśe kevalo bhavet || 10 ||
Like space, , present everywhere, takes on many frames, seems divided by their division, and when they go is one alone.
Note //
Hrishikesha, 'master of the senses', is the Self. The pot and space again: the site's position 4.
नानोपाधिवशादेव जातिवर्णाश्रमादयः । आत्मन्यारोपितास्तोये रसवर्णादि भेदवत् ॥ ११ ॥
nānopādhivaśādeva jātivarṇāśramādayaḥ | ātmanyāropitāstoye rasavarṇādi bhedavat || 11 ||
Only through the many frames are kind, caste, stage of life and the rest laid on , as taste and colour and the rest are laid on water.
Note //
Variant: 'kind, name, stage of life'.
पंचीकृतमहाभूतसंभवं कर्मसंचितम् । शरीरं सुखदुःखानां भोगायतनमुच्यते ॥ १२ ॥
paṃcīkṛtamahābhūtasaṃbhavaṃ karmasaṃcitam | śarīraṃ sukhaduḥkhānāṃ bhogāyatanamucyate || 12 ||
Born of the great elements made fivefold, heaped up by action, the body is called the place where pleasure and pain are enjoyed.
पंचप्राणमनोबुद्धिदशेन्द्रियसमन्वितम् । अपंचीकृतभूतोत्थं सूक्ष्माङ्गं भोगसाधनम् ॥ १३ ॥
paṃcaprāṇamanobuddhidaśendriyasamanvitam | apaṃcīkṛtabhūtotthaṃ sūkṣmāṅgaṃ bhogasādhanam || 13 ||
With the five breaths, mind, understanding and ten senses, risen from the elements not yet made fivefold, the subtle body is the means of enjoyment.
अनाद्यविद्याऽनिर्वाच्या कारणोपाधिरुच्यते । उपाधित्रितयादन्यमात्मानमवधारयेत् ॥ १४ ॥
anādyavidyā'nirvācyā kāraṇopādhirucyate | upādhitritayādanyamātmānamavadhārayet || 14 ||
Beginningless not-knowing, which cannot be named, is called the causal . Know as other than the three frames.
पंचकोशादियोगेन तत्तन्मय इव स्थितः । शुद्धात्मा नीलवस्त्रादियोगेन स्फटिको यथा ॥ १५ ॥
paṃcakośādiyogena tattanmaya iva sthitaḥ | śuddhātmā nīlavastrādiyogena sphaṭiko yathā || 15 ||
Joined to the five layers and the rest it seems to be made of each, the pure Self, as a crystal joined to a blue cloth.
वपुस्तुषादिभिः कोशैर्युक्तं युक्त्यवघाततः । आत्मानमन्तरं शुद्धं विविच्यात्तण्डुलं यथा ॥ १६ ॥
vapustuṣādibhiḥ kośairyuktaṃ yuktyavaghātataḥ | ātmānamantaraṃ śuddhaṃ vivicyāttaṇḍulaṃ yathā || 16 ||
From the body, joined to the layers like husks, by reasoning, as by threshing, tell apart within, pure, as the grain of rice.
सदा सर्वगतोऽप्यात्मा न सर्वत्रावभासते । बुद्धावेवावभासेत स्वच्छेषु प्रतिबिम्बवत् ॥ १७ ॥
sadā sarvagato'pyātmā na sarvatrāvabhāsate | buddhāvevāvabhāseta svaccheṣu pratibimbavat || 17 ||
Always everywhere, does not show everywhere; it shows in the understanding only, as a reflection in clear things.
देहेन्द्रियमनोबुद्धिप्रकृतिभ्यो विलक्षणम् । तद्वृत्तिसाक्षिणं विद्यादात्मानं राजवत्सदा ॥ १८ ॥
dehendriyamanobuddhiprakṛtibhyo vilakṣaṇam | tadvṛttisākṣiṇaṃ vidyādātmānaṃ rājavatsadā || 18 ||
Other than body, senses, mind, understanding and nature, know as of their movements, always, like a king.
Note //
The king who watches his ministers act: the witness as presence, not as a doer; position 8.
व्यापृतेष्विन्द्रियेष्वात्मा व्यापारीवाविवेकिनाम् । दृश्यतेऽभ्रेषु धावत्सु धावन्निव यथा शशी ॥ १९ ॥
vyāpṛteṣvindriyeṣvātmā vyāpārīvāvivekinām | dṛśyate'bhreṣu dhāvatsu dhāvanniva yathā śaśī || 19 ||
When the senses are at work seems to those who do not tell apart to be at work, as the moon seems to run when the clouds are running.
आत्मचैतन्यमाश्रित्य देहेन्द्रियमनोधियः । स्वक्रियार्थेषु वर्तन्ते सूर्यालोकं यथा जनाः ॥ २० ॥
ātmacaitanyamāśritya dehendriyamanodhiyaḥ | svakriyārtheṣu vartante sūryālokaṃ yathā janāḥ || 20 ||
Resting on the awareness of , body, senses, mind and understanding go about their own work, as people go about theirs by the sun's light.
देहेन्द्रियगुणान्कर्माण्यमले सच्चिदात्मनि । अध्यस्यन्त्यविवेकेन गगने नीलतादिवत् ॥ २१ ॥
dehendriyaguṇānkarmāṇyamale saccidātmani | adhyasyantyavivekena gagane nīlatādivat || 21 ||
The qualities and acts of the body and senses are laid on of being and awareness, which is spotless, by not telling apart, as blueness and the rest on the sky.
Note //
Taylor's text has the two similes of 21 and 22 exchanged; his 20 is given here.
अज्ञानान्मानसोपाधेः कर्तृत्वादीनि चात्मनि । कल्प्यन्तेऽम्बुगते चन्द्रे चलनादि यथाम्भसः ॥ २२ ॥
ajñānānmānasopādheḥ kartṛtvādīni cātmani | kalpyante'mbugate candre calanādi yathāmbhasaḥ || 22 ||
From not-knowing, the doing and the rest that belong to the that is the mind are imagined in , as moving and the rest in the moon reflected in water.
Note //
Taylor's 21 is given here (see 21).
रागेच्छासुखदुःखादि बुद्धौ सत्यां प्रवर्तते । सुषुप्तौ नास्ति तन्नाशे तस्माद्बुद्धेस्तु नात्मनः ॥ २३ ॥
rāgecchāsukhaduḥkhādi buddhau satyāṃ pravartate | suṣuptau nāsti tannāśe tasmādbuddhestu nātmanaḥ || 23 ||
Liking, wanting, pleasure, pain and the rest go on while the understanding is there; in deep sleep, when it is not, they are not. So they belong to the understanding, not to .
प्रकाशोऽर्कस्य तोयस्य शैत्यमग्नेर्यथोष्णता । स्वभावः सच्चिदानन्दनित्यनिर्मलतात्मनः ॥ २४ ॥
prakāśo'rkasya toyasya śaityamagneryathoṣṇatā | svabhāvaḥ saccidānandanityanirmalatātmanaḥ || 24 ||
As light is the sun's, coolness water's, heat fire's, so being, awareness, fullness, lastingness and spotlessness are 's own nature.
आत्मनः सच्चिदंशश्च बुद्धेर्वृत्तिरिति द्वयम् । संयोज्य चाविवेकेन जानामीति प्रवर्तते ॥ २५ ॥
ātmanaḥ saccidaṃśaśca buddhervṛttiriti dvayam | saṃyojya cāvivekena jānāmīti pravartate || 25 ||
's part, being and awareness, and the understanding's movement: joining the two, by not telling apart, 'I know' comes about.
आत्मनो विक्रिया नास्ति बुद्धेर्बोधो न जात्विति । जीवः सर्वमलं ज्ञात्वा ज्ञाता द्रष्टेति मुह्यति ॥ २६ ॥
ātmano vikriyā nāsti buddherbodho na jātviti | jīvaḥ sarvamalaṃ jñātvā jñātā draṣṭeti muhyati || 26 ||
has no change; the understanding has no knowing at all. The person, knowing all this wrongly, is confused into 'I am the knower, I am the seer'.
रज्जुसर्पवदात्मानं जीवं ज्ञात्वा भयं वहेत् । नाहं जीवः परात्मेति ज्ञातं चेन्निर्भयो भवेत् ॥ २७ ॥
rajjusarpavadātmānaṃ jīvaṃ jñātvā bhayaṃ vahet | nāhaṃ jīvaḥ parātmeti jñātaṃ cennirbhayo bhavet || 27 ||
Taking for a person, as a rope for a snake, one is afraid. 'I am not the person; I am the highest Self': once that is known, one is without fear.
आत्मावभासयत्येको बुद्ध्यादीनीन्द्रियाण्यपि । दीपो घटादिवत्स्वात्मा जडैस्तैर्नावभास्यते ॥ २८ ॥
ātmāvabhāsayatyeko buddhyādīnīndriyāṇyapi | dīpo ghaṭādivatsvātmā jaḍaistairnāvabhāsyate || 28 ||
alone lights up the understanding and the rest, and the senses, as a lamp lights a pot; it is not lit by them, which are inert.
स्वबोधे नान्यबोधेच्छा बोधरूपतयात्मनः । न दीपस्यान्यदीपेच्छा यथा स्वात्मप्रकाशने ॥ २९ ॥
svabodhe nānyabodhecchā bodharūpatayātmanaḥ | na dīpasyānyadīpecchā yathā svātmaprakāśane || 29 ||
In knowing itself needs no other knowing, , as a lamp needs no other lamp to show itself.
निषिध्य निखिलोपाधीन्नेति नेतीति वाक्यतः । विद्यादैक्यं महावाक्यैर्जीवात्मपरमात्मनोः ॥ ३० ॥
niṣidhya nikhilopādhīnneti netīti vākyataḥ | vidyādaikyaṃ mahāvākyairjīvātmaparamātmanoḥ || 30 ||
Having set aside all the frames by the sentence 'not this, not this', know the oneness of the person's Self and the highest Self by the great sentences.
आविद्यकं शरीरादि दृश्यं बुद्बुदवत्क्षरम् । एतद्विलक्षणं विद्यादहं ब्रह्मेति निर्मलम् ॥ ३१ ॥
āvidyakaṃ śarīrādi dṛśyaṃ budbudavatkṣaram | etadvilakṣaṇaṃ vidyādahaṃ brahmeti nirmalam || 31 ||
The body and the rest, made by not-knowing, the seen, pass like bubbles. Know what is other than these, spotless: 'I am Brahman'.
देहान्यत्वान्न मे जन्मजराकार्श्यलयादयः । शब्दादिविषयैः सङ्गो निरिन्द्रियतया न च ॥ ३२ ॥
dehānyatvānna me janmajarākārśyalayādayaḥ | śabdādiviṣayaiḥ saṅgo nirindriyatayā na ca || 32 ||
Being other than the body, I have no birth, ageing, wasting or dissolving; having no senses, I have no tie to sound and the other objects.
अमनस्त्वान्न मे दुःखरागद्वेषभयादयः । अप्राणो ह्यमनाः शुभ्र इत्यादि श्रुतिशासनात् ॥ ३३ ॥
amanastvānna me duḥkharāgadveṣabhayādayaḥ | aprāṇo hyamanāḥ śubhra ityādi śrutiśāsanāt || 33 ||
Having no mind, I have no pain, liking, hating or fear. 'Without breath, without mind, pure': so the Veda teaches.
Note //
Mundaka 2.1.2. Some editions insert after this verse the next one from the Mundaka (2.1.3), etasmaj jayate prano, 'from this are born breath, mind and all the senses, space, wind, light, water, and earth, the bearer of all'; the e-text marks it a doubtful addition. Taylor has it as his 33: 'By Brahma were produced life, mind, the organs of sensation, action, the ether, air, fire, water, earth, which compose the universe.'
निर्गुणो निष्क्रियो नित्यो निर्विकल्पो निरंजनः । निर्विकारो निराकारो नित्यमुक्तोऽस्मि निर्मलः ॥ ३४ ॥
nirguṇo niṣkriyo nityo nirvikalpo niraṃjanaḥ | nirvikāro nirākāro nityamukto'smi nirmalaḥ || 34 ||
Without qualities, without action, lasting, without division, unstained, without change, without form, always free, spotless: that I am.
अहमाकाशवत्सर्वं बहिरन्तर्गतोऽच्युतः । सदा सर्वसमः सिद्धो निःसङ्गो निर्मलोऽचलः ॥ ३५ ॥
ahamākāśavatsarvaṃ bahirantargato'cyutaḥ | sadā sarvasamaḥ siddho niḥsaṅgo nirmalo'calaḥ || 35 ||
Like space I go through all, inside and out, and do not fall away; always the same in all, complete, without ties, spotless, unmoving.
नित्यशुद्धविमुक्तैकमखण्डानन्दमद्वयम् । सत्यं ज्ञानमनन्तं यत्परं ब्रह्माहमेव तत् ॥ ३६ ॥
nityaśuddhavimuktaikamakhaṇḍānandamadvayam | satyaṃ jñānamanantaṃ yatparaṃ brahmāhameva tat || 36 ||
Always pure, free, one, unbroken fullness, not-two, truth, knowing, without end, the highest Brahman: that I am.
एवं निरन्तराभ्यस्ता ब्रह्मैवास्मीति वासना । हरत्यविद्याविक्षेपान् रोगानिव रसायनम् ॥ ३७ ॥
evaṃ nirantarābhyastā brahmaivāsmīti vāsanā | haratyavidyāvikṣepān rogāniva rasāyanam || 37 ||
The tendency 'I am Brahman', so practised without a break, drives out the projections of not-knowing, as a tonic drives out diseases.
Note //
Vikshepa, the projecting; the verse says the practice removes projections, and the site's position 7 reads 'drives out' as 'stops them confining'.
विविक्तदेश आसीनो विरागो विजितेन्द्रियः । भावयेदेकमात्मानं तमनन्तमनन्यधीः ॥ ३८ ॥
viviktadeśa āsīno virāgo vijitendriyaḥ | bhāvayedekamātmānaṃ tamanantamananyadhīḥ || 38 ||
Sitting in a quiet place, free of wanting, the senses mastered, let one hold in mind the one Self, endless, with no other thought.
आत्मन्येवाखिलं दृश्यं प्रविलाप्य धिया सुधीः । भावयेदेकमात्मानं निर्मलाकाशवत्सदा ॥ ३९ ॥
ātmanyevākhilaṃ dṛśyaṃ pravilāpya dhiyā sudhīḥ | bhāvayedekamātmānaṃ nirmalākāśavatsadā || 39 ||
Dissolving all that is seen into by the understanding, the clear-minded one holds in mind the one Self, always, like spotless space.
रूपवर्णादिकं सर्वं विहाय परमार्थवित् । परिपूर्णचिदानन्दस्वरूपेणावतिष्ठते ॥ ४० ॥
rūpavarṇādikaṃ sarvaṃ vihāya paramārthavit | paripūrṇacidānandasvarūpeṇāvatiṣṭhate || 40 ||
Leaving aside all form and colour and the rest, the knower of the highest stays as the nature of full awareness and fullness.
ज्ञातृज्ञानज्ञेयभेदः परे नात्मनि विद्यते । चिदानन्दैकरूपत्वाद्दीप्यते स्वयमेव तत् ॥ ४१ ॥
jñātṛjñānajñeyabhedaḥ pare nātmani vidyate | cidānandaikarūpatvāddīpyate svayameva tat || 41 ||
In the highest Self there is no difference of knower, knowing and known; being one awareness and fullness, it shines by itself.
एवमात्मारणौ ध्यानमथने सततं कृते । उदितावगतिर्ज्वाला सर्वाज्ञानेन्धनं दहेत् ॥ ४२ ॥
evamātmāraṇau dhyānamathane satataṃ kṛte | uditāvagatirjvālā sarvājñānendhanaṃ dahet || 42 ||
So, when the churning of meditation is kept up on the fire-stick of , the flame of knowing rises and burns all the fuel of not-knowing.
अरुणेनेव बोधेन पूर्वं सन्तमसे हृते । तत आविर्भवेदात्मा स्वयमेवांशुमानिव ॥ ४३ ॥
aruṇeneva bodhena pūrvaṃ santamase hṛte | tata āvirbhavedātmā svayamevāṃśumāniva || 43 ||
When the dark has first been taken away by knowing, as by the dawn, then comes out, by itself, like the sun.
आत्मा तु सततं प्राप्तोऽप्यप्राप्तवदविद्यया । तन्नाशे प्राप्तवद्भाति स्वकण्ठाभरणं यथा ॥ ४४ ॥
ātmā tu satataṃ prāpto'pyaprāptavadavidyayā | tannāśe prāptavadbhāti svakaṇṭhābharaṇaṃ yathā || 44 ||
is always reached, yet seems unreached, through not-knowing; when that is gone it seems reached, like .
Note //
The necklace already at the throat: the same image as Tripura Rahasya 15.81.
स्थाणौ पुरुषवद्भ्रान्त्या कृता ब्रह्मणि जीवता । जीवस्य तात्त्विके रूपे तस्मिन्दृष्टे निवर्तते ॥ ४५ ॥
sthāṇau puruṣavadbhrāntyā kṛtā brahmaṇi jīvatā | jīvasya tāttvike rūpe tasmindṛṣṭe nivartate || 45 ||
As a man is made of a post by confusion, so a person is made of Brahman; when the person's true form is seen, it stops.
तत्त्वस्वरूपानुभवादुत्पन्नं ज्ञानमंजसा । अहं ममेति चाज्ञानं बाधते दिग्भ्रमादिवत् ॥ ४६ ॥
tattvasvarūpānubhavādutpannaṃ jñānamaṃjasā | ahaṃ mameti cājñānaṃ bādhate digbhramādivat || 46 ||
Knowledge born of experience of the true nature at once cancels the not-knowing of 'I' and 'mine', like confusion about the directions.
सम्यग्विज्ञानवान् योगी स्वात्मन्येवाखिलं जगत् । एकं च सर्वमात्मानमीक्षते ज्ञानचक्षुषा ॥ ४७ ॥
samyagvijñānavān yogī svātmanyevākhilaṃ jagat | ekaṃ ca sarvamātmānamīkṣate jñānacakṣuṣā || 47 ||
The yogi who knows rightly sees the whole world in his own Self, and sees all as the one Self, with the eye of knowing.
आत्मैवेदं जगत्सर्वमात्मनोऽन्यन्न विद्यते । मृदो यद्वद्घटादीनि स्वात्मानं सर्वमीक्षते ॥ ४८ ॥
ātmaivedaṃ jagatsarvamātmano'nyanna vidyate | mṛdo yadvadghaṭādīni svātmānaṃ sarvamīkṣate || 48 ||
This whole world is ; there is nothing other than . As pots and the rest are clay, one sees all as one's own Self.
जीवन्मुक्तस्तु तद्विद्वान्पूर्वोपाधिगुणांस्त्यजेत् । सच्चिदानन्दरूपत्वात् भवेद्भ्रमरकीटवत् ॥ ४९ ॥
jīvanmuktastu tadvidvānpūrvopādhiguṇāṃstyajet | saccidānandarūpatvāt bhavedbhramarakīṭavat || 49 ||
One , knowing this, lets go the qualities of the old frames and, being by nature being, awareness and fullness, becomes them, as the grub becomes the wasp.
Note //
The bhramara-kita: the old belief that a grub watched by a wasp turns into one. 'Free while living' is the site's phrase.
तीर्त्वा मोहार्णवं हत्वा रागद्वेषादिराक्षसान् । योगी शान्तिसमायुक्त आत्मारामो विराजते ॥ ५० ॥
tīrtvā mohārṇavaṃ hatvā rāgadveṣādirākṣasān | yogī śāntisamāyukta ātmārāmo virājate || 50 ||
Having crossed the sea of confusion, having killed the demons liking, hating and the rest, the yogi, joined to peace, delights in and shines.
बाह्यानित्यसुखासक्तिं हित्वात्मसुखनिर्वृतः । घटस्थदीपवत्स्वस्थः स्वान्तरेव प्रकाशते ॥ ५१ ॥
bāhyānityasukhāsaktiṃ hitvātmasukhanirvṛtaḥ | ghaṭasthadīpavatsvasthaḥ svāntareva prakāśate || 51 ||
Leaving the hold of outer passing pleasures, at ease in the pleasure of , he shines within himself, at home, like a lamp inside a pot.
उपाधिस्थोऽपि तद्धर्मैरलिप्तो व्योमवन्मुनिः । सर्वविन्मूढवत्तिष्ठेदसक्तो वायुवच्चरेत् ॥ ५२ ॥
upādhistho'pi taddharmairalipto vyomavanmuniḥ | sarvavinmūḍhavattiṣṭhedasakto vāyuvaccaret || 52 ||
Standing in the frames, yet untouched by their qualities, like space, the sage, knowing all, may stay like one who knows nothing; unattached, he may move like the wind.
उपाधिविलयाद्विष्णौ निर्विशेषं विशेन्मुनिः । जले जलं वियद्व्योम्नि तेजस्तेजसि वा यथा ॥ ५३ ॥
upādhivilayādviṣṇau nirviśeṣaṃ viśenmuniḥ | jale jalaṃ viyadvyomni tejastejasi vā yathā || 53 ||
When the frames dissolve, the sage enters the all-pervading with no mark of difference, as water into water, space into space, light into light.
यल्लाभान्नापरो लाभो यत्सुखान्नापरं सुखम् । यज्ज्ञानान्नापरं ज्ञानं तद्ब्रह्मेत्यवधारयेत् ॥ ५४ ॥
yallābhānnāparo lābho yatsukhānnāparaṃ sukham | yajjñānānnāparaṃ jñānaṃ tadbrahmetyavadhārayet || 54 ||
Beyond whose gain there is no gain, beyond whose joy no joy, beyond whose knowing no knowing: know that to be Brahman.
यद्दृष्ट्वा नापरं दृश्यं यद्भूत्वा न पुनर्भवः । यज्ज्ञात्वा नापरं ज्ञेयं तद्ब्रह्मेत्यवधारयेत् ॥ ५५ ॥
yaddṛṣṭvā nāparaṃ dṛśyaṃ yadbhūtvā na punarbhavaḥ | yajjñātvā nāparaṃ jñeyaṃ tadbrahmetyavadhārayet || 55 ||
Having seen which there is nothing else to see, having become which there is no birth again, having known which there is nothing else to know: know that to be Brahman.
तिर्यगूर्ध्वमधः पूर्णं सच्चिदानन्दमद्वयम् । अनन्तं नित्यमेकं यत्तद्ब्रह्मेत्यवधारयेत् ॥ ५६ ॥
tiryagūrdhvamadhaḥ pūrṇaṃ saccidānandamadvayam | anantaṃ nityamekaṃ yattadbrahmetyavadhārayet || 56 ||
Full across, above and below, being, awareness, fullness, not-two, endless, lasting, one: know that to be Brahman.
अतद्व्यावृत्तिरूपेण वेदान्तैर्लक्ष्यतेऽद्वयम् । अखण्डानन्दमेकं यत्तद्ब्रह्मेत्यवधारयेत् ॥ ५७ ॥
atadvyāvṛttirūpeṇa vedāntairlakṣyate'dvayam | akhaṇḍānandamekaṃ yattadbrahmetyavadhārayet || 57 ||
Pointed to by the Vedanta texts by setting aside all that it is not, the not-two, unbroken fullness, one: know that to be Brahman.
अखण्डानन्दरूपस्य तस्यानन्दलवाश्रिताः । ब्रह्माद्यास्तारतम्येन भवन्त्यानन्दिनोऽखिलाः ॥ ५८ ॥
akhaṇḍānandarūpasya tasyānandalavāśritāḥ | brahmādyāstāratamyena bhavantyānandino'khilāḥ || 58 ||
Resting on a fraction of the fullness of that whose form is unbroken fullness, Brahma and all the rest are full of joy by degrees.
तद्युक्तमखिलं वस्तु व्यवहारस्तदन्वितः । तस्मात्सर्वगतं ब्रह्म क्षीरे सर्पिरिवाखिले ॥ ५९ ॥
tadyuktamakhilaṃ vastu vyavahārastadanvitaḥ | tasmātsarvagataṃ brahma kṣīre sarpirivākhile || 59 ||
Everything is joined to it; all dealings go on with it in them. So Brahman is in everything, as butter in all the milk.
अनण्वस्थूलमह्रस्वमदीर्घमजमव्ययम् । अरूपगुणवर्णाख्यं तद्ब्रह्मेत्यवधारयेत् ॥ ६० ॥
anaṇvasthūlamahrasvamadīrghamajamavyayam | arūpaguṇavarṇākhyaṃ tadbrahmetyavadhārayet || 60 ||
Not small, not large, not short, not long, unborn, undecaying, without form, quality, colour or name: know that to be Brahman.
यद्भासा भास्यतेऽर्कादि भास्यैर्यत्तु न भास्यते । येन सर्वमिदं भाति तद्ब्रह्मेत्यवधारयेत् ॥ ६१ ॥
yadbhāsā bhāsyate'rkādi bhāsyairyattu na bhāsyate | yena sarvamidaṃ bhāti tadbrahmetyavadhārayet || 61 ||
By whose light the sun and the rest are lit, which is not lit by what it lights, by which all this shines: know that to be Brahman.
Note //
Katha 5.15.
स्वयमन्तर्बहिर्व्याप्य भासयन्नखिलं जगत् । ब्रह्म प्रकाशते वह्निप्रतप्तायसपिण्डवत् ॥ ६२ ॥
svayamantarbahirvyāpya bhāsayannakhilaṃ jagat | brahma prakāśate vahniprataptāyasapiṇḍavat || 62 ||
Itself going through everything, inside and out, lighting up the whole world, Brahman shines like a ball of iron heated in fire.
जगद्विलक्षणं ब्रह्म ब्रह्मणोऽन्यन्न किंचन । ब्रह्मान्यद्भाति चेन्मिथ्या यथा मरुमरीचिका ॥ ६३ ॥
jagadvilakṣaṇaṃ brahma brahmaṇo'nyanna kiṃcana | brahmānyadbhāti cenmithyā yathā marumarīcikā || 63 ||
Brahman is unlike the world; other than Brahman there is nothing at all. If anything other than Brahman seems to shine, , like water in a .
Note //
Mithya, 'does not stand on its own', the site's sense.
दृश्यते श्रूयते यद्यद्ब्रह्मणोऽन्यन्न तद्भवेत् । तत्त्वज्ञानाच्च तद्ब्रह्म सच्चिदानन्दमद्वयम् ॥ ६४ ॥
dṛśyate śrūyate yadyadbrahmaṇo'nyanna tadbhavet | tattvajñānācca tadbrahma saccidānandamadvayam || 64 ||
Whatever is seen, whatever is heard, is nothing other than Brahman; and when the truth is known, that Brahman is being, awareness, fullness, not-two.
सर्वगं सच्चिदात्मानं ज्ञानचक्षुर्निरीक्षते । अज्ञानचक्षुर्नेक्षेत भास्वन्तं भानुमन्धवत् ॥ ६५ ॥
sarvagaṃ saccidātmānaṃ jñānacakṣurnirīkṣate | ajñānacakṣurnekṣeta bhāsvantaṃ bhānumandhavat || 65 ||
The eye of knowing sees of being and awareness in everything; the eye of not-knowing does not see it, as a blind man does not see the shining sun.
श्रवणादिभिरुद्दीप्तज्ञानाग्निपरितापितः । जीवः सर्वमलान्मुक्तः स्वर्णवद्द्योतते स्वयम् ॥ ६६ ॥
śravaṇādibhiruddīptajñānāgniparitāpitaḥ | jīvaḥ sarvamalānmuktaḥ svarṇavaddyotate svayam || 66 ||
Heated by the fire of knowing, kindled by hearing and the rest, the person, freed of every stain, shines by itself, like gold.
हृदाकाशोदितो ह्यात्मा बोधभानुस्तमोऽपहृत् । सर्वव्यापी सर्वधारी भाति भासयतेऽखिलम् ॥ ६७ ॥
hṛdākāśodito hyātmā bodhabhānustamo'pahṛt | sarvavyāpī sarvadhārī bhāti bhāsayate'khilam || 67 ||
, the sun of knowing, risen in the sky of the heart, takes away the dark, goes through all, holds all, shines, and lights up everything.
दिग्देशकालाद्यनपेक्ष्य सर्वगं शीतादिहृन्नित्यसुखं निरंजनम् । यः स्वात्मतीर्थं भजते विनिष्क्रियः स सर्ववित्सर्वगतोऽमृतो भवेत् ॥ ६८ ॥
digdeśakālādyanapekṣya sarvagaṃ śītādihṛnnityasukhaṃ niraṃjanam | yaḥ svātmatīrthaṃ bhajate viniṣkriyaḥ sa sarvavitsarvagato'mṛto bhavet || 68 ||
One who goes to the pilgrim's ford of his own Self, which needs no direction, place or time, is everywhere, takes away cold and heat and the rest, is lasting joy, unstained, and does nothing: he knows all, is everywhere, and does not die.
Note //
The last verse plays on tirtha, a bathing place on a river: the Self is the pilgrimage that needs no travelling.
Touch an underlined word to see the Sanskrit behind it. The lighter lines are how the tradition read the verse; the rest is the verse.
The renderings on this page are shared under CC BY-NC 4.0, in the words of Pranav Ashar.